अखबार नेपाल ट्रेन्डिङ

एजेन्सीः हलिउड चलचित्र निर्माता हार्भी वाइन्स्टिनलाई न्यूयोर्कको एक अदालतले बलात्कार र यौन आक्रमणको मुद्दामा दोषी ठहर गरी २३ वर्षको जेल सजायँ सुनाएको छ । कुनै समय हलिउडका सबैभन्दा शक्तिशाली व्यक्ति रहेका वाइन्स्टिन गत महिना बलात्कार र यौन आक्रमणको अभियोगमा दोषी पाइएका थिए ।

६७ वर्षीय वाइन्स्टिन ह्वीलचेयरमा अदालतमा उपस्थित भएका थिए । वाइन्स्टिनका वकिलहरूले उमेर र चलचित्र उद्योगमा उनको योगदानलाई कदर गर्दै सजाय घटाउनु पर्ने माग गरेका थिए । तर सरकारी अभियोजनकर्ताहरूले वाइन्स्टिनले अरूलाई गरेको शोषणको सही जवाफ भएको तर्क गरे ।

अदालतको पछिल्लो फैसलालाई मीटू भनिने विश्वव्यापी महिला आन्दोलनका सदस्यहरूले स्वागत गरेका छन् । सन् २०१७ को अक्टोबर यता धेरै महिलाहरुले वाइन्स्टिनले बलात्कार र यौन शोषण गरेको आरोप लगाउँदै आएका थिए । तर उनले आरोप अस्वीकार गर्दै आएका थिए ।