अखबार नेपाल ट्रेन्डिङ

काठमाडौं: ट्रिपरले ठक्कर दिँदा मोटरसाइकल चालकको मृत्यु भएपछि सुर्खेत सदरमुकाम विरेन्द्रनगर तनावग्रस्त बनेको छ । चालकको लापरबाहीले घटना भएको भन्दै स्थानीय बासिन्दाले गरेको प्रदर्शनले उग्ररुप लिएपछि प्रशासनले बुधबार विहान ६ बजेसम्मका लागि कर्फ्यू आदेश जारी गरेको हो ।

क्षतिपुर्ती माग गरेपनि सहमति नभइ प्रहरीले शव उठाएपछि अवस्था थप तनावपूर्ण बनेको थियो । अश्रुग्यास प्रहार गर्दा पनि अवस्था नियन्त्रणमा नआएपछि प्रहरीले गोली चलाएको थियो । गोली लागेर ८ जना घाइते भएका थिए । सुर्खेतका प्रहरी प्रमुख डिल्लीराज पन्तले विरोधले उग्ररुप लिँदा प्रहरीले हवाई फायर गरेको तर आन्दोलनकारीमाथि गोलि भने अज्ञात समूहले चलाएको दावी गरे । यता गोली लागेर घाईते भएका ८ जना मध्ये २ जनाको अबस्था चिन्ताजनक रहेको प्रदेश अस्पताल सुर्खेतले जनाएको छ ।

घाइते भएका प्रदशनकारीहरुको टाउको, छाती र खुट्टामा गोली लागेको अस्पताल श्रोतले जनाएको छ । प्रदर्शन नियन्त्रण बाहिर गएको भन्दै स्थानीय प्रशासनले मंगलबार बेलुकी साढे ६ बजेर ३० मिनेट देखि बुधबार बिहान ६ बजेसम्मका लागि बिरेन्द्रनगरमा कर्फ्यू आदेश जारी गरेको हो । अवस्था तनावपूर्ण बनेपछि नेपालगंजबाट समेत थप सुरक्षाकर्मी खटाएको छ । टिपरको ठक्करबाट वीरेन्द्रनगरको मुलपानी चोक नजिक कालिकोटको महावै गाउँपालिका-३ सिम्खेतका २० वर्षीय केशर सिंहको घटनास्थलमै मृत्य भएको थियो ।