अखबार नेपाल ट्रेन्डिङ

काठमाडौं: सहिद स्मारक ए डिभिजन लिगमा आज दुई खेल हुँदैछन् । पहिलो खेलमा ब्रिगेड ब्वाईज क्लब र मनाङ मस्याङ्दी क्लब तथा दोस्रो खेलमा संकटा क्लब र जावलाखेल युथ क्लबबीच प्रतिस्पर्धा हुँदैछ । पहिलो खेल एन्फा कम्प्लेक्समा हुनेछ भने दोस्रो खेल दशरथ रंगशालामा संकटा र जावलाखेलबीच हुनेछ ।

लिगको शीर्षस्थानमा पुग्न मनाङलाई आजको खेलमा बराबरीनै पर्याप्त छ । उसको २ खेलबाट ६ अंक छ । मनाङ गोल अन्तरका आधारमा मछिन्द्र भन्दा पछाडी रहेको छ । यस्तै ब्रिगेड एक जित र एक हारसहित ३ अंक बटुल्दै लिगको सातौं स्थानमा हरेको छ । यता, अपराजित जावलाखेलको पनि २ खेलबाट ४ अंकको रहेको छ ।

जावलाखेललाई पनि संकटाविरुद्ध जित निकाल्दै शीर्षस्थान उक्लने अवसर छ । तर पहिलो खेलमा मनाङ पराजित भएको समिकरण तय हुनुपर्नेछ । संकटा एकमा जित र एकमा हार सहित लिगको आठौं स्थानमा रहेको छ । पुर्व च्याम्पियन मनाङ मर्स्याङ्दी क्लबलाई फेरि एक पटक लिगमा अग्रता लिने अवसर छ । मनाङले लिगको तेस्रो चरणमा अधिकांश युवा खेलाडी समावेश गरेको ब्रिगेडसँग प्रतिस्पर्धा गर्न लागेको हो । दुबै टिम स्पष्ट तीन अंक हासिल गर्ने लक्ष्य सहित मैदान उत्रने छन् ।

त्यसैगरी लिगको दोस्रो चरणको खेल सकिदाँ जावलाखेल अपराजित छ । त्यही हार विहिन यात्रालाई निरन्तरता दिने लक्ष्य सहित संकटाविरुद्ध मैदान उत्रदैछ । लिगमा जावलाखेल अपराजित रहदाँ संकटा पहिलो खेलमा च्यासल युथसंग पराजित भएको थियो । यता गत सिजनको उपविजेता संकटा पहिलो खेलमै च्यासलसँग पराजित बन्यो । उसले लिगको दोस्रो खेलमा एनआरटीलाई १–० गोल अन्तरले हराएको थियो । गत सिजनको उपविजेता संकटा भने जावलाखेलविरुद्ध स्पष्ट तीन अंक लिने दाउमा छ । जावलाखेललाई पराजित गर्दै संकटा लिगको तेस्रो स्थानमा उक्लिन चाहन्छ ।