अखबार नेपाल ट्रेन्डिङ

काठमाडौं: सनराइज बैंकले जारी गरेको तीन अर्ब रकम बराबरको ऋणपत्र बिक्री भएको छ । गत कात्तिक २० गते निष्काशन गरिएको उक्त ऋणपत्र कात्तिक २४ गते देखि मंसिर १९ गते सम्म खुल्ला थियो । १० दशमलव २५ प्रतिशत व्याज प्रदान गरिने उक्त ऋणपत्र पूर्ण रुपमा बिक्री भएको बैंकले जनाएको छ ।

४५ करोड ३८ लाख २९ हजार बराबरको ४ लाख ५३ हजार ८ सय २९ कित्ता र परिपत्र विधिको तर्फबाट २ अर्ब ५४ करोड ६१ लाख ७१ हजार बराबरको २,५४६,१७१ कित्ता ऋणपत्र बिक्री भएको बैंकले जनाएको छ । ऋणपत्रको बाडफाँड मंसिर २७ गते गरिएको थियो ।

अघिल्लो आर्थिक वर्षमा पनि बैंकले एक अर्ब रुपैंया बराबरको ऋणपत्र पूर्ण रुपमा बिक्री गर्न सफल भएको थियो । यससँगै नेपाल राष्ट्र बैंकको निर्देशन अनुसार बैंकहरुले आफ्नो प्राथमिक पुँजीको २५ प्रतिशत ऋणपत्र निष्काशन गर्नुपर्ने व्यवस्था सनराइज बैंकले पूरा गरेको छ ।