अखबार नेपाल ट्रेन्डिङ

काठमाडौं: नागबेली लघुबित्त वित्तीय संस्थाले हकप्रद शेयर निष्कासन गर्ने भएको छ । संस्थाले बोनस शेयर वितरणपछि हुन आउने चुक्ता पुँजीको २५ प्रतिशत हकप्रद शेयर निष्कासन गर्ने भएको हो । उक्त प्रस्ताव संस्थाले वार्षिक साधारणसभामा लैजाने जनाएको छ ।

संस्थाले चैत १५ गते वार्षिक साधारणसभा डाकेको छ । उक्त साधारणसभाकालागि संस्थाले फागुन २९ गते देखि चैत १५ गतेसम्म बुक क्लोज गर्ने जनाएको छ । फागुन २८ गतेसम्म दोस्रो बजारमा शेयर खरिद गर्ने लगानीकर्ताले संस्थाले घोषणा गरेको लाभांश सहित साधारणसभामा भाग लिन पाउँछन् ।

गत वर्षको नाफाबाट संस्थाले ९.३८ प्रतिशत बोनस शेयर घोषणा गरेको छ । साधारणसभामा संस्थाले घोषणा गरेको लाभांशसहित हकप्रदको समेत प्रस्ताव पारित गर्ने छ । चालु आर्थिक वर्षको दोस्रो त्रैमासको वित्तीय विवरण अनुसार संस्थाको चुक्ता पुँजी १५ करोड ३२ लाख रुपैयाँ रहेको छ ।।