अखबार नेपाल ट्रेन्डिङ

थाइल्याण्डमा जारी आईसीसी महिला टी-२० विश्वकप क्रिकेट एसिया छनोटमा नेपालले चौथो जित निकालेको छ । बैंककको टर्डथाई क्रिकेट मैदानमा चीनलाई ५ रनले पराजित गर्दै नेपालले प्रतियोगितामा चौथो जित निकालेको हो ।

नेपालले प्रस्तुत गरेको ७८ रनको लक्ष्य पछ्याएको चीन पुरै २० ओभरमा ६ विकेट गुमाएर ७२ रन मात्र बनाउन सक्यो । नेपाललको जितमा सिता रानामगरले ३ विकेट लिइन् भने कविता कुँवरले १ विकेट लिएकी थिइन् । चीनकी झाङ मेले ३३ रन बनाएपनि टिमलाइ जिताउन सफल भइनन् ।

यसअघि टस हारेर ब्याटिङ गरेको नेपालले निर्धारित २० ओभरमा ९ विकेटको क्षतिमा ७७ रन बनाएको थियो । नेपालकी काजल श्रेष्ठले १८ रन जोडिन् भने सिता रानामगरले ११ रन जोडिन् । चीनका वाङ मेङ र हान लीलीले समान २-२ विकेट लिएका थिए ।

जितसँगै ८ अंकसहित नेपाल तेस्रो स्थानमा रहेको छ । नेपालको दोस्रो स्थानमा रहेको युएईसँग समान अंक भएपनि नेटरनरेटका पछिरहेको छ । अब नेपालले अन्तिम खेल कुवेतविरुद्घ भोली खेल्नेछ । प्रतियोगिताको शीर्ष टोली मात्र दोस्रो चरणमा छनोट हुनेछ ।।