अखबार नेपाल ट्रेन्डिङ

काठमाडौं: नेपाली क्रिकेट टोलीले आइसिसी टि-२० विश्वकपको अभ्यास खेल अन्तर्गत दोस्रो तथा अन्तिम खेल आज अमेरिकासँग  खेल्दैछ । डालासस्थित ग्रान्ड प्रेरी क्रिकेट मैदानमा खेल नेपाली समय अनुसार साँझ ९:१५ सुरु हुनेछ ।

नेपाल सोमबार पहिलो अभ्यास खेलमा क्यानाडासँग ६३ रनले पराजित भएको थियो । सोही मैदानमा‌‌ मंगलबारका‌ लागि तय भएको अमेरिका र बंगलादेशबीचको‌ अभ्यास खेल भने बर्षाका कारण रद्द भएको थियो ।

जुन १ बाट सुरु हुने विश्व कपमा नेपालले पहिलो खेल जुन ५ मा नेदरल्यान्ड्ससँग खेल्नेछ । जुन ११ मा श्रीलंका, जुन १४ मा दक्षिण अफ्रिका र जुन १६ मा बंगलादेशसँग खेल्नेछ । यसपटकको विश्वकप अमेरिका र वेस्ट इन्डिजले संयुक्त रुपमा आयोजना गर्दैछन् ।