अखबार नेपाल ट्रेन्डिङ

काठमाडौं: म्यान्मारसँगका दुईवटा अन्तर्राष्ट्रिय मैत्रीपूर्ण फुटबल खेलका लागि नेपाली टोलीको घोषणा भएको छ । नेपाली टोलीका मुख्य प्रशिक्षक भिनसेन्जो अल्बर्टो एनेसले २३ सदस्यीय अन्तिम टोलीको घोषणा गरेको हो ।

नेपालले यही भाद्र २२ र २५ गते म्यान्मारको याङ्गुनस्थित घरेलु मैदानमा २ वटा मैत्रीपूर्ण फुटबल खेल्नेछ । किरणकुमार लिम्बूको कप्तानीमा रहने २३ सदस्यीय टोलीमा ३ जना गोलरक्षक, ६–६ जना रक्षापंक्ति र मध्यपंक्तिका खेलाडी र ८ जना अग्रपंक्तिका खेलाडी छन् ।

नेपाली फुटबल टोलीले फिफा विश्वकप–२०२६ तथा एएफसी एसियन कप–२०२७ छनोटको प्रारम्भिक चरणको तयारीस्वरूप म्यान्मारसँग मैत्रीपूर्ण खेल खेल्न लागेको हो ।

नेपाली टोलीका खेलाडी

गोलरक्षक: किरणकुमार लिम्बु (कप्तान), दीपक कार्की र अभिषेक बराल ।

रक्षापंक्तिका खेलाडी: सनिष श्रेष्ठ, अनन्त तामाङ, आशिष गुरुङ, रोहित चन्द, अञ्जन राई र छिरिङ लामा ।

मध्यपंक्तिका खेलाडी: एरिक विष्ट, सुदीप गुरुङ, लकेन लिम्बू, आवास लामिछाने, उत्सव राई, कृतिसरत्न चुन्जू ।

अग्रपंक्तिका खेलाडी :​ आयुष घलान, नवयुग श्रेष्ठ, अञ्जन विष्ट, मनीष डाँगी, आशिष चौधरी, जिलेप्सीजंग कार्की, दिनेश हेनजान र हिसुब थपलिया ।