अखबार नेपाल ट्रेन्डिङ

एजेन्सी: ईङ्ग्लिस प्रिमियर लिग फुटबलमा आर्सनल बराबरीमा रोकिएको छ । आईतबार राति भएको खेलमा आर्सनल वाट्फोर्डसँग २-२ गोलको बराबरीमा रोकिएको हो । वाट्फोर्डको मैदानमा दुई गोलको अग्रता जोगाउन नसक्दा आर्सनल बराबरीमा रोकिएको हो ।

आर्सनलका पेरिक एम्रिक आबुमियाङले दुई गोल गरे । वाट्फोर्डका टम क्लेभर्ली र रोबर्टो पेरेयाराले एक एक गोल गरे । खेलको २१ औं मिनेटमा आबुमियाङले गोल गर्दै आर्सनललाई सुरुवाती अग्रता दिलाए । ३२ औं मिनेटमा आबुमियाङले व्यक्तिगत दोस्रो गोल गर्दै आर्सनललाई २-० को अग्रता दिलाए । खेलो दोस्रो हाफमा वाट्फोर्डले उत्कृष्ट पुनरागमन गर्यो । खेलको ५३ औं मिनेटमा क्लेभर्लीले गोल गर्दै खेल २-१ मा ल्याए ।

त्यसपछि खेलको ८१ औं मिनेटमा रोबर्टोले पेनाल्टीमा गोल गर्दै खेल २-२ को बराबरीमा ल्याउदै वाट्फोर्डलाई हारबाट जोगाए । बराबरीसँगै आर्सनलले तेस्रो स्थानमा उक्लने मौका गुमाएको छ । आर्सनलले ५ खेलबाट ८ अंक जोडेको छ र लिगको सातौं स्थानमा रहेको छ । वाट्फोर्डले ५ खेलमा २ अंक जोडेको छ ।