अखबार नेपाल ट्रेन्डिङ

एजेन्सी: त्रिदेशीय टी ट्वान्टी क्रिकेट श्रृंखला अन्तर्गतको तेश्रो खेलमा अफगानिस्तानले बंगलादेशलाई २५ रनले पराजित गरेको छ । बंगलादेशको राजधानी ढाकामा आइतबार राति भएको खेलमा अफगानिस्तानले बंगलादेशमाथि २५ रनको जित निकालेको हो ।

प्रतियोगितामा अफगानिस्तानको यो लगातार दोश्रो जित हो । अफगानिस्तानले दिएको १ सय ६५ रनको लक्ष्य पछ्याएको बंगलादेश १९ ओभर ५ बलमा अलआउट हुँदै १३९ रनमा समेटियो । बंगलादेशका लागि ममुदुल्जिलाहले ४४ रन जोड्दा सब्बीर रहमानले २४ रन बनाए । अफगानिस्तानका मुजिब उर रहमानले ४ तथा राशिद खान , फारेद अहमेद र गुल्बादिन नाइबले २–२ विकेट लिए ।

टस जितेर पहिले ब्याटिङ गरेको अफगानिस्तानले २० ओभरमा ६ विकेट गुमाएर १६४ रन बनाएको थियो । अफगानिस्तानका लागि मोहमद नाबीले अविजित रहदै ८४ रन जोडे । यस्तै अस्घर अफगानले ४० रन बनाए । बंगलादेशका मोहमद साइफुदीनले ४ विकेट लिए । शाकिब अल हसनले २ विकेट लिए । जितसँगै अफगानिस्तानले २ खेलबाट ४ अंक जोड्दै शिर्ष स्थानमा छ । पहिलो खेलमा अफगानिस्तानले निम्बाब्वेलाई हराएको थियो २ खेलबाट २ अंक जोडेको बंगलादेश दोस्रो तथा अंक विहिन जिम्बाब्वे तेश्रो स्थानमा छ ।