अखबार नेपाल ट्रेन्डिङ

काठमाडौं: सेन्ट्रल एसियन भलिबल एसोसिएसन (काभा) पुरुष भलिबल नेसन्स लिगमा नेपालसहित ७ टोलीले सहभागिता जनाउने भएका छन् ।

किर्गिस्तानमा आयोजना हुने प्रतियोगितामा नेपालसहित ७ टोलीको सहभागिता रहने नेपाल भलिबल संघले जनाएको छ ।

प्रतियोगितामा नेपालसँगै आयोजक किर्गिस्तान, पाकिस्तान, उज्वेकिस्तान, काजकिस्तान, इरान र तुर्किमिनिस्तान रहेको छ ।

सिंगल राउण्ड रोबिनको आधारमा हुने प्रतियोगिताको शीर्ष दुई टोलीले उपाधिका लागि खेल्नेछ । यस्तै तेस्रो र चौंथो हुने टोलीले तेस्रो स्थानका लागि प्रतिस्पर्धा गर्ने छन् ।

प्रतियोगिता आगामी जुन १८ देखि २५ सम्म हुनेछ ।