अखबार नेपाल ट्रेन्डिङ

काठमाडौं: गृहमन्त्री रवि लामिछानेले सुरक्षा संयन्त्रको बैठक बोलाएका छन् । सोमबार बिहान ९ बजे प्रहरी संयन्त्रको बैठक बोलाइएको हो ।

सुरक्षास्थितिको जानकारी लिन बैठक बोलाइएको प्रहरी प्रवक्ता टेकप्रसाद राईले बताए । राईका अनुसार गृहमन्त्री लामिछानेले भर्चुअल बैठक बोलाएका हुन् ।

बैठकमा  ७७ वटै प्रमुख जिल्ला अधिकारी र जिल्ला सुरक्षा समितिमा रहेका नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागका प्रमुख सहभागी हुनेछन् ।

बैठकमा शान्ति सुरक्षा र आम नागरिकले भोगेका समस्याहरुको बारेमा छलफल हुने जनाइएको छ । त्यसपछि दिउँसो २ बजे विपद् व्यवस्थापन समितिको बैठक पनि आह्वान भएको छ । विपद् व्यवस्थापनमा पनि ७७ वटै जिल्लाका सिडिओहरु हुनेछन् ।