अखबार नेपाल ट्रेन्डिङ

काठमाडौं: नेपाली कांग्रेसको संसदीय दलको नेता बन्नका लागि पार्टी सभापति शेरबहादुर देउवा र महामन्त्री गगन थापा आमने सामने भएका छन् ।

देउवा र थापा दुबैले उम्मेदवारी दर्ता गरेपछि कडा प्रतिस्पर्धा हुने देखिएको छ । यी दुईबीचको प्रतिष्पर्धालाई लिएर कौतुहलताको बिषय बनेको छ ।

कांग्रेसको गणित हेर्दा अहिले पनि देउवा नै बलिया देखिन्छन् । यदि शेखर समूह एक ढिक्का भएर थापालाई भोट हाल्यो भने पनि उनले जित्न सहज देखिदैन । तर, गोप्य मतदान भएकाले ‘जे पनि हुन सक्ने’ थापा पक्षका नेताहरू बताउँछन् ।

थापालाई घोषणा गर्ने बैठकमा ३८ जना सांसद उपस्थित भएको इतर समूहका नेताको भनाइ छ यसबाट इतर पक्ष उत्साहित देखिन्छ ।

कांग्रेसको संसदीय दलको चुनाव जित्न ४५ जनाको समर्थन चाहिन्छ । आफ्नो समूहको एक ढिक्का भोट र संस्थापन समूहबाट पनि केही भोट ल्याएर जित हासिल गर्ने अपेक्षामा देखिएका छन् गगन थापा ।

थापाले चुनाव अघिदेखि नै संसदीय दलको नेता लड्न तयारी थालिसकेको बताएका थिए । सुरूमा केही संकेत नगरेका शेखरले पनि पछिल्लो समयमा आकांक्षा देखाए । यसरी इतर समूहमै दुई दावेदार हुँदा देउवालाई प्रतिस्पर्धा सहज बनेको थियो । तर, अब शेखरको समर्थनपछि गगनको मनोबल बढेको छ र उत्साहित पनि देखिएका छन् ।

थापालाई शेखरनिकट केही सांसदले भोट नहाल्ने अनुमान भइरहँदा देउवा निकट केही सांसदले भोट दिने अपेक्षामा उनी देखिका छन् । देउवा पक्षका भनेर चिनिएका कतिपय सांसदले थापाको सम्पर्कमा छन् र उनीहरुले गोप्य मतदानमा थापालाई सघाउने आश्वासन दिएका छन् ।

अंक गणित अनुसार कांग्रेसका ५७ प्रत्यक्ष र ३२ समानुपातिक गरी ८९ सांसद रहेको अवस्थामा निर्वाचन जित्न ४५ मत आवश्यक पर्छ । परिणामलाई हेर्दा संस्थापन समूहमा ३३ प्रत्यक्ष र २२ समानुपातिक गरी ५५ सांसद छन् भने संस्थापन इतर समूहमा २४ प्रत्यक्ष महामन्त्री विश्वप्रकाश शर्मासमेत गरी शर्माले महामन्त्री थापालाई सघाउने बताउँदै आएका छन् । १० समानुपातिक गरी ३४ जना सांसद देखिन्छन् ।

तर, थापाको उम्मेदवारी घोषणामा ३८ जना संसाद उपस्थित भएको दाबी गर्दै इतर समूह उत्साहित बनेको छ । यो समूहले ३९ जना पुर्याइसकेको भन्दै ६ जना सांसदले साथ दिने विश्वास लिएको छ ।