अखबार नेपाल ट्रेन्डिङ

एजेन्सी: प्रि लिग अन्तर्गत आयोजना हुने ईन्टरनेश्नल च्याम्पियन्स कपमा प्रिमियर लिग क्लब म्यानचेष्टर युनाईटेडले जित हासिल गरेको छ ।

शनिबार सिंगापुरको नेश्नल स्टेडियममा भएको खेलमा युनाईटेडले इटालियन क्लब ईन्टर मिलानमाथि १-० गोल अन्तरको जित हासिल गरेको हो । युनाईटेडको जितमा मिसन ग्रिनउडले खेलको ७८ औ मिनेटमा विजयी गोल गरे । दोस्रो हाफमा वैकल्पिक खेलाडीको रुपमा मैदान प्रवेश गरेका ग्रिनउडले युनाईटेडका लागि सिजनको दोस्रो गोल गरेका हुन् ।

इटालियन क्लब ईन्टर क्लब सम्हालेपछि पहिलो खेलमा उत्रिएका एन्टोनियो कोन्टेले पराजय भोगेका हुन् । युनाईटेडका रोमेलु लुकाकु पछिल्लो समय ईन्टर जाने तयारी छ । सोही क्लबविरुद्व कोन्टेले हार ब्यहोरेका हुन् । चोटका कारण लुकाकु ईन्टरविरुद्वको खेलमा मैदानमा उत्रिन सकेनन् ।