अखबार नेपाल ट्रेन्डिङ

काठमाडौँ : सरकारले सार्वजनिक यातायातको भाडा बढाएको छ । पेट्रोलको मूल्य बढाएसँगै सरकारले फेरी गाडी भाडामा वृद्धि गरेको हो ।

यातायात व्यवस्था विभागले शुक्रबार एक सूचना प्रकाशित गर्दै अन्तर प्रदेश यातायातका मालबाहक तथा यात्रुबाहक सवारीको भाडादर बढाएको जनाएको छ ।

यसअघि ११ जेठमा यात्रुबाहक सवारीको भाडा २ प्रतिशतले घटाएको थियो । अहिले यात्रु बाहकको २.५ प्रतिशतले भाडा बढेको विभागले जनाएको छ ।

त्यस्तै, पहाडी बाटोमा सञ्चालन हुने मालबाहक सवारीको भाडा ३.३ प्रतिशतले र तराईको बाटोमा सञ्चालन हुने मालबाहक सवारीको भाडा ३.७ प्रतिशतले बढेको छ ।

निगमले डिजेलको मूल्यमा एकै पटक १२ रूपैयाँ बढाएको थियो।  विभागले इन्धनको मूल्य थपघटका आधारमा ५ प्रतिशतले बढेमा वा घटेमा भाडा समायोजना गर्दै आएको छ ।