अखबार नेपाल ट्रेन्डिङ

काठमाडौं: सातवटै प्रदेश सरकारले आर्थिक वर्ष २०७६/७७ का लागि नयाँ बजेट सार्वजनिक गरेका छन् ।

आइतबार सातवटै प्रदेशका प्रदेशसभामा नयाँ बजेट प्रस्तुत गरिएको हो । सातवटा प्रदेशमध्ये प्रदेश १ ले ४२ अर्ब, प्रदेश २ मा ३८ अर्ब, प्रदेश ३ मा ४७ अर्ब ८० करोड, गण्डकी प्रदेशमा ३२ अर्ब, प्रदेश ५ मा ३६ अर्ब, कर्णाली प्रदेशमा ३४ अर्ब र सुदुरपश्चिम प्रदेशमा २८ अर्ब बराबरको बजेट सार्वजनिक गरिएको छ ।

कर्णाली प्रदेशले आगामी वर्षका लागि ३४ अर्ब ३५ करोड ३४ लाखको बजेट ल्याएको छ । कुल बजेटको ६२ प्रशित अर्थात् २१ अर्ब २९ करोड पूँजीगततर्फ र ३८ प्रतिशत अर्थात् १३ अर्ब ५ करोड चालुतर्फ छुट्याएको छ ।

त्यस्तै ३२ अर्ब १३ करोडको बजेट ल्यएको गण्डकी प्रदेशले चालुतर्फ १२ अर्ब २८ करोड र पूँजीगततर्फ १९ अर्ब ८४ करोड बजेट विनियोजन गरेको छ ।

त्यस्तै प्रदेश पाँचले ३६ अर्ब ४१ करोड रुपैंयाँको प्रस्तावित बजेटमा चालु तर्फ ३६ दशमवलब ९४ प्रतिशत अर्थात् १३ अर्ब ४५ करोड र पूँजीगततर्फ ५१ दशमवलब १ प्रतिशत अर्थात् १८ अर्ब ५७ करोड तथा वित्तीय हस्तान्तरणतर्फ १२ दशमवलब ५ प्रतिशत छुट्याएको छ ।

त्यसैगरी प्रदेश एकले प्रस्तुत गरेको ४२ अर्ब २० करोडको बजेटमध्ये चालु तर्फ १८ अर्ब २० करोड र पुँजिगतर्फ २३ अर्ब ५७ करोड विनियोजन गरेको छ ।

त्यसैगरी प्रदेश दुई, तीन र सुदुरपश्चिम प्रदेश सरकारले प्रदेशसभामा आगामी वर्षका लागि बजेट प्रस्तुत गरेका छन् ।

हरेक प्रदेशले चालुवर्षको भन्दा आगामी वर्षका लागि प्रस्तुत बजेटको आकार बढाएका छन् । अधिकाँश प्रदेशबाट प्रस्तुत बजेटमा चालुभन्दा पूँजीगत खर्चको अनुपात बढी छ । प्रदेश सरकारले आन्तरिक राजस्व, चालू आवमा खर्च नभएको बजेट, संघीय सरकारको राजस्व बाँडफाँड एवम् प्राकृतिक स्रोतको रोयल्टि बाँडफाँडबाट प्राप्त हुने रकम, वित्तीय समानीकरण अनुदानबाट प्राप्त हुने रकम र सशर्त अनुदानलाइ बजेटको स्रोतको रुपमा प्रस्तुत गरेका छन् ।।