परिवारसहित भेट्न कारागार पुगेका दुर्गेशलाई के भने नायक पल शाहले ?
वि.सं.२०७९ वैशाख १९ सोमवार १५:१२
2K
shares
काठमाडौँ : नाबालिका गायिका बलात्कार अभियोग लागेर कारागारमा रहेका नायक पल शाहलाई भेट्न गायक दुर्गेश थापा परिवारसहित कारागार पुगेका छन् ।
पललाई भेट्न दुर्गेश आफ्नी श्रीमती र छोरालाई समेत लिएर जिल्ला कारागार कार्यालय तनहुँमा पुगेका हुन् ।
गायक दुर्गेशमाथि गायिका समिक्षा अधिकारीलाई उक्साएर नायक पल शाहबिरुद्ध जबरजस्ती बलात्कारको मुद्धा दर्ता गर्न लगाएको आरोप लागिरहेको छ । उनीमाथि आफ्नै साथीलाई घात गर्ने साथीको रुपमा लिदै उनको बिरोध गर्नेहरुको जमात धेरै नै रहेको छ ।
जिल्ला अदालत तनहुँमा नाबालिग गायिका र उनका पिताले बयान फेरेसँगै यो प्रकरणमा ट्वीस्ट आयो । दुर्गेशले पनि अदालतमा पललाई सहयोग पुग्ने गरी बयान दिए । उक्त बयानले फेरि दुर्गेश र पलबीच सम्वन्ध सुधारको ढोका खोलेको हो । त्यसो त दुर्गेशले प्रहरीलाई दिएको बयानमा पनि पलमाथि कुनै आरोप लगाएका थिएनन् ।
हिजो पल र दुर्गेशबीच ३० मिनेट कुराकानी भएको थियो । भेटपछि संचारमाध्यमलाई प्रतिकृया दिदै दुर्गेशले पल प्रफुल्लित र आत्मविश्वासी मुद्रामा देखिएको जानकारी दिएका छन् ।
पल जेलबाट छिट्टै निस्कनेमा ढुक्क देखिएका छन् । भेटका क्रममा पलले दुर्गेशको छोरोको कानमा फूल सिउरिदिएका छन् । भेटपछि दुबै हाँसीखुसी छुट्टिएका थिए ।
वि.सं.२०७९ वैशाख १९ सोमवार १५:१२



















