आईजीपीबिरुद्ध सर्बोच्चमा पुगे एआईजी विश्वराज
वि.सं.२०७९ वैशाख १९ सोमवार १२:५८
2.9K
shares
काठमाडौं: नेपाल प्रहरीको महानिरीक्षक (आईजीपी) नियुक्तिको विषयमा चित्त नबुझेपछि एआईजी विश्वराज पोखरेल सर्वोच्च अदालतको ढोका ढकढकाउन पुगेका छन् ।
सुनिता रावतको वारेसनामामा पोखरेलको रिट सर्वोच्चमा दर्ताका लागि पुगेको हो । रिट हाल अध्ययनको क्रममा रहेको अदालत स्रोतले जानकारी दिएको छ ।
हिजो (आईतबार) बसेको क्याबिनेट बैठकले धिरजप्रताप सिंहलाई नेपाल प्रहरीको नयाँ आईजीपी नियुक्त गरेको थियो ।
सरकारले विधि र प्रक्रिया मिचेर आईजीपी नियुक्त गरेको भन्दै पोखरेल सर्वोच्च अदालत पुगेका हुन् । सिंहले आज दर्ज्यानी चिन्ह लगाइसकेका छन् ।
सोमबार गृह मन्त्रालयमा आयोजित समारोहमा गृह सचिव टेकनरायण पाण्डेले नवनियुक्त आईजीपी सिंहले फुली लगाएका हुन् ।
अर्का एआईजी सहकुल थापा भने हिजै बिदा लेखेर घरमा बसेका छन् ।
वि.सं.२०७९ वैशाख १९ सोमवार १२:५८



















