अखबार नेपाल ट्रेन्डिङ

ललितपुरः ललितपुरको सगरमाथा अक्सिजन प्लान्ट विस्फोट हुँदा एक जनाको मृत्यु भएको छ भने चार जना घाइते भएका छन् ।

ललितपुरका प्रहरी प्रवक्ता एसपी सिद्धिविक्रम शाहका अनुसार एक जनाको प्लान्टभित्रै मृत्यु भएको हो । उनको पहिचान खुलिसकेको छैन । त्यहाँ कार्यरत श्रमिकले अरु नरहेको बताएका छन् ।

तर प्रहरी अहिलेसम्म प्लान्टभित्र जान सकेको छैन । ‘अहिले भित्र जान सकिने अवस्था नै छैन । भित्र अरु छैनन् भनेका छन् । घाइतेलाई अस्पताल पठाइएको छ’, एसपी शाहले भने ।

घाइते मध्ये तीन जनालाई पाटन अस्पताल र एक जनालाई बीएण्डबी अस्पताल लगिएको छ ।