अखबार नेपाल ट्रेन्डिङ

काठमाडौं: अखिल नेपाल फुटबल संघ (एन्फा)को विशेष साधारणसभा आज बस्दैछ । विशेष साधारणसभा सानेपास्थित हेरिटेज गार्डेनमा बोलाएको छ ।

यसअघि फागुन ८ गतेका लागि डाकिएको एन्फाको विशेष साधारणसभा प्राविधिक कारण देखाएर स्थगित गरिएको थियो ।

तर, एन्फाको १८ औं कार्यसमिति बैठकले साधारण सभा चैत १५ गते गर्ने निर्णय गरेको थियो । साधारणसभामा निर्वाचनमा केन्द्रित एजेण्डाहरुमा छलफल हुने बताईएको छ  ।

निर्वाचन समिति गठन, निर्वाचन पुनरावेदन समिति गठन, उम्मेदवारको मनोनयन शुल्क निर्धारण र वार्षिक कार्यक्रम तथा बजेटको लेखा परीक्षण प्रतिवेदन लगायतको विषयमा साधारण सभा छलफल हुनेछ ।

एन्फाको निर्वाचन आगामी वर्षको जेठ १५ गते हुनेछ ।