कृपा बनिन् ‘सारेगमप लिटल च्याम्प’
वि.सं.२०७८ माघ २३ आइतवार १२:५४
2.1K
shares
काठमाडौं: नेपालको पहिलो संस्करणको रियालिटी शो ‘सारेगमप लिटल च्याम्प’ उपाधि कृपा पौडेलले जितेकी छिन् ।
अन्तिम ५ प्रतियोगीलाई उछिन्दै उनले प्रतियोगीताको शीर्ष उपाधि प्राप्त गरेकी हुन् ।
उपाधिसँगै कृपाले नगद १६ लाख रुपैयाँ हात पारेकी छन् ।
‘शो’को फस्ट रनरअप रोशा फुँयाल, दोस्रो रनरअप आदित्य विश्वकर्मा भएका छन् ।
पहिलो र दोस्रो रनरअपले क्रमश सिद्धार्थ बैंकका तर्फबाट क्रमश: ४ लाख र ३ लाख रुपैयाँ पाएका छन् ।
नोवर्डी प्रोडक्सनले भारतको जी ग्रुपसँग फ्रेन्चाइजी लिएर नेपाल भित्र्याएको रियालिटी शोको अन्तिम प्रतिस्पर्धासम्म पुगेका पर्वतका अरुण परियार र भक्तपुरकी अविक्षा घिमिरेले पनि उत्कृष्ट पुरस्कार जितेका छन् ।
कार्यक्रमको अन्तिम ५ प्रतिस्पर्धीलाई ३/३ वटा गीत रेकर्ड तथा म्युजिक भिडिओ, नेपालका साथै वर्ड टुर तथा कक्षा १२ सम्मको अध्ययनको व्यवस्था आयोजकले मिलाउने छ ।
कार्यक्रमको डिजिटल र फिजिकल अडिसनमा देश-विदेशका ३० हजारभन्दा बढी प्रतिस्पर्धीले भाग लिएका थिए ।
सहभागीमध्ये मेगा अडिसनमा छानिएका ६० जनाबाट ग्रान्ड अडिसनमा ३५ जना र ग्रान्ड प्रिमियरमा १५ जना पुगेका थिए ।
कार्यक्रमको निर्णायकमा न्ह्यु बज्राचार्य, शम्भुजित कालीप्रसाद बाँस्कोटा र इन्दिरा जोशी थिए ।
त्यस्तै १५ जना चर्चित गायक पनि ग्रान्ड जुरीको भूमिकामा थिए ।
१८ हप्तासम्म चलेको यो प्रतियोगीतामा १६ वर्ष मुनिका बालबालिकाले सहभागिता जनाएका थिए ।
वि.सं.२०७८ माघ २३ आइतवार १२:५४




















