अखबार नेपाल ट्रेन्डिङ

काठमाडौं: इन्टरनेट मार्फत् गर्ने पैसाको कारोबार क्रिप्टोकरेन्सी (बिटक्वाइन) मुद्दामा दोषी ठहर भएका पाँच जनाको सजाय निर्धारण भएको छ ।

प्रहरीको केन्द्रीय अनुसन्धान ब्यूरो (सीआईबी)ले प्रतिवादी बनाएका १० मध्ये ५ जनालाई काठमाडौं जिल्ला अदालतले गत भदौ ३० मा दोषी ठहर गरेको थियो ।

दोषी ठहर भएकाहरुको सजाय निर्धारण गरिएको छ । दोषी ठहर भएका पाँचै जनालाई बिना जेल जरिवाना मात्रै सुनाइएको छ ।

दोषी ठहर भएका सिन्धुलीको मरिन गाउँपालिका-४, कल्पवृक्ष घर भएका ३४ वर्षीय ज्ञानप्रसाद पौडेललाई ६ लाख २७ हजार, अर्घाखाँचीको मालारानी गाउँपालिका-७ का ३४ वर्षीय माधव खनाललाई १ लाख १४ हजार ७ सय ५०, काठमाडौं-४, भाटभटेनीका २५ वर्षीय प्रशान्तप्रताप शाहलाई ३० लाख रुपैयाँ, रुपन्देहीको बुटवल उपमहानगरपालिका-११ का मनिषकुमार गिरीलाई ११ हजार ४ सय ९५ रुपैयाँ र नुवाकोटको बेलकोटगढी नगरपालिका-५ की २४ वर्षीया बिन्दा ढकाललाई ६२ हजार ५ सय रुपैयाँ जरिवाना निर्धारण गरिएको छ ।

त्यसैगरी, राप्रपाका नेता दमन बस्नेतसहित पाँच जनाले भने यो मुद्दामा सफाइ पाएका थिए । अवैध विनिमय कारोबारमा संलग्न रही नेपालको अर्थतन्त्रलाई गम्भीर असर पर्न जाने गरी नेपाल राष्ट्र बैंकको गेटवेलाई बाइपास गरेर विदेशी विनिमय कारोबार गर्ने गरेको भन्दै उनीहरु विरुद्ध मुद्दा दर्ता भएको थियो ।