अखबार नेपाल ट्रेन्डिङ

काठमाडौं: नेकपा माओवादी केन्द्रको ८औं महाधिवेशनबाट अध्यक्षमा पुष्पकमल दाहाल प्रचण्ड निर्विरोध निर्वाचित भएका छन् ।

८औं महाधिवेशनबाट चुनिएको २ सय ३६ सदस्यीय केन्द्रीय कमिटीको पहिलो बैठकले प्रचण्डलाई अध्यक्ष चयन गरेको हो ।

केन्द्रीय सदस्य नारायणकाजी श्रेष्ठले प्रचण्डलाई अध्यक्षमा प्रस्ताव गरकेा थिए भने अर्का केन्द्रीय सदस्य कृष्णबहादुर महराले समर्थन गरेका थिए ।

अध्यक्षमा निर्वाचिए भएपछि प्रचण्डले आफ्ना लागि पार्टी र राष्ट्रका लागि नेतृत्व लिने अन्तिम अवसर र चुनौती भएको बताएका छन् ।

प्रचण्डले अरु सबै पार्टीको भन्दा माओवादी केन्द्रको महाधिवेशन भिन्न रहेको समेत दाबी गरे ।

उनले प्रदेशको सिफारिसका आधारमा नामहरु सिफारिस गरेको र सर्वसम्मत हलले केन्द्रीय नेतृत्व चयन गरेको समेत दावी गरे ।