अखबार नेपाल ट्रेन्डिङ

काठमाडौं: बंगलादेशमा जारी सेन्ट्रल जोन पुरुष तथा महिला भलिबल च्यालेन्ज कप अन्तर्गत महिला टोलीले आज उपाधिका लागि उज्वेकिस्तानसँग प्रतिस्पर्धा गर्दैछ ।

नेपाल र उज्वेकिस्तानबीचको उपाधि भिडन्त बिहान ११:१५ बजे सुरु हुनेछ ।

साविक विजेता नेपाल आज उज्वेकिस्तानलाई हराएर उपाधि जित्ने योजनामा रहेको छ ।

जारी प्रतियोगितामा नेपाल अपराजित रहेको छ ।

नेपाल अपराजित रहदै च्याम्पियन बन्ने दाउमा समेत रहेको छ ।

यता, उज्वेकिस्तान नेपालसँग बदला लिदै उपाधि जित्न चाहन्छ ।

राउण्ड रोबिनको लिग खेलमा नेपालले उज्वेकिस्तानलाई ३-० को सोझो सेटमा हराएको थियो ।

नेपाल शीर्ष स्थानमा रहेर फाइनल पुगेको हो ।

उज्वेकिस्तान दोस्रो स्थानमा रहदै नेपालसँगको भेट पक्का गरेको हो ।

यस्तै महिलातर्फको तेस्रो स्थानका लागि श्रीलंका र किर्गिस्तानले प्रतिस्पर्धा गर्ने छन् ।