अखबार नेपाल ट्रेन्डिङ

काठमाडौं: बंगलादेशको ढाकामा जारी एसियन सेन्ट्रल जोन भलिबल च्यालेन्ज कपको महिलातर्फ नेपाली टोलीले लगातार दोस्रो जित निकालेको छ ।

आज भएको खेलमा नेपालले माल्दिभ्सलाई सोझो सेटमा पराजित गरेको छ ।

एकपक्षीय जस्तै बनेको खेलमा साविक विजेता नेपालले माल्दिभ्सलाई २५-११, २५-९, २५-५ सेटमा पराजित गरेको हो ।

दुई जितपछि नेपाल ६ अंक जोडेर अंक तालिकामा शीर्ष स्थानमा छ ।

नेपालले पहिलो खेलमा श्रीलंकामाथि ३-२ को सेटमा जित हात पारेको थियो ।

६ राष्ट्र सहभागी प्रतियोगितामा राउण्ड रोविन लिगपछि शीर्ष दुई टोलीले फाइनल खेल्नेछन् ।

नेपालले आफ्नो तेस्रो खेल शनिवार घरेलु टोली बंगलादेशसँग खेल्नेछ ।