अखबार नेपाल ट्रेन्डिङ

काठमाडौं: नेपाली कांग्रेसको १४औं महाधिवेशनबाट शेरबहादुर देउवा दोस्रो पटक कांग्रेस सभापतिमा निर्वाचित भए ।

महाधिवेशनमा पदाधिकारी सहित १३४ जना केन्द्रीय सदस्यको लागि निर्वाचन भएको थियो । देउवाकै पक्षधरबाट केन्द्रीय सदस्यका लागि उम्मेदवार भएका अधिकांश विजयी भएका छन् ।

सभापति देउवा र शशांक कोइराला सहित १११ सदस्य निर्वाचित भएका छन् । देउवासँग गठबन्धन गरेका कृष्णप्रसाद सिटौला पक्षका पनि छन् ।

पदाधिकारीका १३ पदका लागि भएको निर्वाचनमा अधिकांश देउवा पक्षकै निर्वाचित भएका छन् । मनोनीत हुने एक जना कोषाध्यक्ष उनी पक्षकै हुने छन् ।

केन्द्रीय सदस्यको लागि विभिन्न क्लस्टरमा भएको निर्वाचनमा अधिकांश निर्वाचितहरु देउवा पक्षका उम्मेदवार हुन् ।

कतिपय क्लस्टरमा त देउवा पक्षले एकलौटी जित निकालेको छ । ३५ जना केन्द्रीय सदस्य (खुला) का लागि भएको निर्वाचनमा शेखर पक्षबाट १० जनाले मात्रै जित निकाले ।

प्रदेश नम्बर २, बागमती, लुम्बिनी, कर्णाली र सुदूरपश्चिम (खुला-२ र महिला- १) का लागि भएको निर्वाचनमा देउवा पक्षबाट एकलौटी निर्वाचित भए ।

प्रदेश नम्बर १ बाट राजीव कोइराला र गण्डकीबाट कृष्णचन्द्र नेपालीबाहेक सबै देउवा पक्षका निर्वाचित भएका हुन् ।

महिला (खुला) तर्फ र दलितबाट चयन हुने ९/९ जनामा शेखर पक्षका १/१ जना मात्रै विजयी भएका छन् । दलिततर्फ महिला ४ र पुरुष ५ जना चयन हुने व्यवस्था छ ।

महिला खुलातर्फ सरिता प्रसाईं र दलिततर्फ  प्रकाश रसाइली स्नेही मात्रै शेखर पक्षबाट विजयी भए । मधेसी तर्फको केन्द्रीय सदस्यमा ५ जना मध्ये ४ जना देउवा पक्षबाट विजयी भए ।

मुस्लिमतर्फ ३ जना (खुला-२, महिला-१) मा देउवा पक्षकै उम्मेदवार विजयी भए । थारु (खुला-२, महिला-२) तर्फ शेखर पक्षले जित निकाल्न सकेनन्। अपांगता, अल्पसंख्यक र पिछडिएको क्षेत्रबाट चयन हुने १/१ जनामा सबै देउवा पक्षकै उम्मेदवारहरु विजयी भए ।

कांग्रेस १४औं महाधिवेशनबाट विजयी उम्मेदवारहरुको नामावली यस प्रकार छः-