अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत छैटौं चरणको खेलहरु त्रिपुरेश्वरस्थित दशरथ रंगशालामा आजबाट सुरु हुँदैछ ।

पहिलो खेलमा एपीएफ क्लब र न्युरोड टिम एनआरटीबीच प्रतिस्पर्धा हुनेछ ।

यी दुईबीचको खेल दिउँसो १ बजे सुरु हुनेछ ।

एपीएफ ५ खेलमा ४ अंक जोडेर ११ औं स्थानमा रहेको छ भने एनआरटी ५ खेलमा ६ अंक जोडेर सातौं स्थानमा रहेको छ ।

एपीएफलाई पराजित गर्दै एनआरटी शीर्ष पाँचमा उक्लन चाहन्छ ।

दोस्रो खेलमा नेपाल पुलिस क्लब र फ्रेन्ड्स क्लबबीच प्रतिस्पर्धा हुनेछ ।

पुलिस र  फ्रेन्ड्सबीचको खेल ४:४५ बजे सुरु हुनेछ ।

पुलिस ५ खेलमा ५ अंक जोडेर दशौँ स्थानमा रहेको छ भने फ्रेन्ड्सलाई हराएर पुलिस अंक तालिका सुधार्ने योजनामा हुनेछ ।

फ्रेन्ड्स ५ खेलमा २ अंक जोडेर पुछारमा रहेको छ । पुलिसलाई हराएर फ्रेन्ड्स रेलिगेसन क्षेत्रबाट माथि उक्लन चाहन्छ ।

लिगमा १४ टोलीले प्रतिस्पर्धा गरिरहेका छन् । पुछारका दुई टोली रेलिगेसनमा पर्नेछ ।