अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलको तेस्रो चरण अन्तर्गत आज हुने एक मात्र खेलमा ब्रिगेड ब्वाइज क्लब र त्रिभुवन आर्मी फुटबल क्लबबीच प्रतिस्पर्धा हुनेछ ।

त्रिपुरेश्वरस्थित दशरथ रंगशालामा हुने यी दुईबीचको खेल अपरान्ह ४:४५ बजे सुरु हुनेछ ।

बलियो टिम आर्मीविरुद्ध मैदान उत्रदा ब्रिगेड दोस्रो जितको खोजीमा हुनेछ ।

ब्रिगेड दुई खेलमा ४ अंक जोडेर चौंथो स्थानमा रहेको छ ।

ब्रिगेडले पहिलो खेलमा एपीएफलाई ३-२ गोल अन्तरले हराएको थियो ।

दोस्रो खेलमा ब्रिगेडले एनआरटीसँग गोलरहित बराबरी खेलेको थियो ।

आर्मी भने पहिलो जितको खोजीमा हुनेछ ।

अघिल्ला दुई खेलमा आर्मीले जित निकाल्न सकेको छैन ।

आर्मी दुई खेलमा २ अंक जोडेर नवौं स्थानमा रहेको छ ।

आर्मीले पहिलो खेलमा नेपाल पुलिस क्लबसँग १-१ गोलको बराबरी खेलेको थियो ।

दोस्रो खेलमा आर्मीले मछिन्द्र क्लबसँग गोलरहित बराबरी खेलेको थियो ।