अखबार नेपाल ट्रेन्डिङ

काठमाडौं: जारी नेकपा एमालेको १०औं महाधिवेशनबाट सर्वसम्मत नेतृत्व चयनको प्रयास असफल भएपछि भएको मतदान सकिएको भएको छ ।

एमालेको ३०१ सदस्य केन्द्रीय कमिटी चयन गर्न चितवनको सौराहास्थित होटल सेभेन स्टारमा आज बिहानै ४ बजे सुरु भएको विद्युतीय मतदान केही बेरअघि सकिएको हो ।

चुनावमा अध्यक्षका लागि निवर्तमान अध्यक्ष केपी शर्मा ओली र उपाध्यक्ष भीम रावल प्रतिस्पर्धामा छन् । त्यस्तै उपाध्यक्षका लागि ओलीले घोषणा गरेका बाहेक घनश्याम भुसाल चुनावी मैदानमा छन् ।

सचिवमा पनि ओलीले घोषणा गरेका बाहेक भीम आचार्य र टंक कार्की चुनाव लडेका छन् ।

वरिष्ठ, उपाध्यक्षमा ईश्वर पोखरेल, महासचिवमा शंकर पोखरेल र उपमहासचिवमा प्रदीप ज्ञवाली, पृथ्वीसुब्बा गुरुङ र विष्णु रिमाल निर्विरोध भएका छन् ।

सदस्यहरुका लागि पनि मतदान भएको छ । अब केही समयपछि मतगणना सुरु हुने जनाइएको छ ।