अखबार नेपाल ट्रेन्डिङ

काठमाडौं: मंसिर १५ देखि १९ गतेसम्म हुने राष्ट्रिय प्रजातन्त्र पार्टीको महाधिवेशनका लागि कमल थापाले अध्यक्षमा उम्मेदवारी घोषणा गरेका छन् ।

घोषणा कार्यक्रममा राप्रपाका पुराना नेताहरू लोकेन्द्रबहादुर चन्द, विश्वबन्धु थापा, कृष्णचरण श्रेष्ठ, हेमबहादुर मल्ल, चन्द्रबहादुर गुरुङजस्ता नेताहरुको नाम स्मरण गरेका थिए ।

राप्रपाका अध्यक्ष पशुपतिशम्शेर राणाले पार्टीको आगामी महाधिवेशनमा प्रतिस्पर्धा नगर्ने बताएका छन् । आफू नलड्दा भावी अध्यक्षमा राणाले भावी अध्यक्षमा कसलाई समर्थन गर्नेछन् भन्ने स्पष्ट भएको छैन ।

आजै राप्रपामा उम्मेदवारी घोषणा गरेका कमल थापाले पनि आफूसँग राणाले चुनाव नलड्ने बताएको जानकारी दिए ।

राप्रपा अध्यक्षका लागि यसअघि राजेन्द्र लिङ्देनले उम्मेदवारी घोषणा गरिसकेका छन् ।