अखबार नेपाल ट्रेन्डिङ

काठमाडौं: पाँचौं चरणको आन्दोलनका कार्यक्रम तय गर्न नेपाल बार एसोशिएसनले दिउँसो ३ बजे कार्यसमितिको बैठक बोलाएको छ ।

बारले आगामी दिनमा आन्दोलनलाई  कसरी अगाडि बढाउने भन्ने सन्दर्भमा ३ बजे कार्यसमितिको बैठक बोलाइएको नेपाल बारका अध्यक्ष चण्डेश्वर श्रेष्ठले बताएका छन् ।

बारले नियमित सर्वोच्च अदालतमा गर्दै आएको धर्नाको कार्यक्रम भने यथावत राखेको छ ।

प्रधानन्यायाधीश चोलेन्द्र शम्शेर राणाका कारण न्यायालयमा विकृति विसंगति र भ्रष्टाचारजन्य गतिविधिहरु बढेको भन्दै बारले करिब १ महिनादेखि प्रधानन्यायधीश जबराको राजीनामा माग गर्दै आन्दोलन गरि रहेको छ ।

राणालाई महाअभियोग लगाउन आग्रह गर्दै बारका पदाधिकारीहरुले प्रमुख राजीनिक दलका शीर्ष नेताहरुलाई भेटेर ज्ञापनपत्र बुझाएपनि त्यसतर्फ नेताहरुले खासै चासो देखाएका छैनन् भने प्रधानन्यायाधीश राणा राजीनामा दिने पक्षमा देखिदैनन् ।

त्यस्तै बारले पनि प्रधानन्यायाधीश राणाले राजीनामा नदिएसम्म आफ्नो आन्दोलनलाई यथावत राख्ने बताउँदै आईरहेको छ ।