अखबार नेपाल ट्रेन्डिङ

हङकङ: निशाना सेभिङ एण्ड क्रेडिट को-अपरेटिभ लिमिटेड तथा निशाना पावर ईन्भेष्टमेन्ट प्रा.लि. सहित सामूहिक रूपमा ११औं वार्षिक साधारणसभा सम्पन्न भएको छ ।

हङ्कङ्को जोर्डनस्थित बगैंचा रेष्टुरेण्ट एण्ड पाटी प्यालेसमा सम्पन्न उक्त साधारणसभामा संस्थाका अध्यक्ष गंगाराम राईको सभापतित्व सम्पन्न भएको हो ।

निशाना ईन्भेष्टमेन्टका सदस्य नरेश सुनुवारले सभामा सहभागीलाई सम्बोधन गर्दै दिएको स्वागत मन्तब्यसँगै कार्यक्रमलाई अगाडि बढाईएको थियो ।

समितिका सचिव तथा कार्यक्रम संचालक दुर्गा प्रसाद राईले निशाना सेभिङ एण्ड क्रेडिट को–अपरेटिभ लिमिटेडको वार्षिक प्रतिवेदन तथा भावी योजना प्रस्तुत गरेका थिए । त्यसैगरी समितिका कोषाध्यक्ष उत्रशेर राईले संस्थाको कुल आय–ब्यय, नाफा–घाटा लगायतको सम्पूर्ण बिबरण सहित आर्थिक प्रतिवेदन प्रस्तुत गरेका थिए ।

सभामा प्रस्तुत बार्षिक तथा आर्थिक प्रतिवेदनप्रति कुनै जिज्ञासा वा प्रश्नको लागि केही मिनेट समय दिईएको थियो । सभाहलबाट कुनै जिज्ञासा तथा प्रश्न नआएपछि सहमति जनाउँदै एकसाथ ताली बजाएर प्रतिवेदन पारित गरिएको थियो ।

हङकङमा रहेका अधिकांस शेयरधनीहरूको उपस्थिति रहेको उक्त साधारणसभामा निशाना पावर ईन्भेष्टमेण्टका अध्यक्ष हरिचन्द्र राईले निशाना पावर ईन्भेष्टमेन्ट प्राईभेट लिमिटेडको उद्देश्य, लक्ष्य तथा भावी योजना र कार्यक्रमको बारेमा संक्षिप्त जानकारी गराएका थिए ।

संस्थाका कोषाध्यक्ष उत्रशेर राई र सह कोषाध्यक्ष जसमणी राईद्वरा संयुक्त रूपमा शेयधनीहरूलाई लाभंश सहित शेयर प्रमाण–पत्र बितरण गरिएको थियो ।

औपचारिक कार्यक्रमको अन्त्यमा सभाध्यक्ष गंगाराम राईले सभालाई सम्बोधन र स्वागत गर्दै स्थापनाकालदेखि हालसम्म निरन्तर साथ सहयोग दिनुहुने संस्थापक सदस्यहरू, कार्य समितिका पदाधिकारीहरु, कर्मचारी र शेयरधनीहरूलाई एकमुष्ट हार्दिक धन्यवाद ज्ञापन व्यक्त गरे ।

सभालाई सम्बोधन गर्दै राईले अगामी दिनहरूमा पनि निरन्तर साथ सहयोग दिएर संस्थालाई सफलतापूर्बक अगाडि बढ्न मद्दत गर्न अनुरोध गर्दै पहिलो चरणको औपचारिक कार्यक्रमलाई समापन गरेका थिए ।

दोस्रो चरणमा जलपान र रात्रिभोज सहित रमाईलो नगद चिठ्ठा तथा मनोरन्जन गरि सभा समापन गरिएको थियो ।

आर्थिक वर्ष ०७७/०७८ मा यस संस्थाले आर्जन गरेको खुद मुनाफाको आधारमा शेयरधनीहरूलाई १५ प्रतिशतको दरले लाभांश बितरण गर्न सफल भएको छ ।

स्थापनाकालदेखि काठमाण्डौमा सम्पन्न गरिंदै आएको वार्षिक साधारण सभा गत वर्ष १०औं वार्षिक साधारण सभा र यस बर्षको ११औं वार्षिक साधारण सभा हङकङमा सम्पन्न गरेको छ ।

संस्थाको आफ्नै भवन नभएको हुँदा घर भाडामा लिएर सञ्चालन गर्दै आएको छ र आगामी ५ वर्षभित्र आफ्नै भवन निर्माण गरी कारोवार सञ्चालन गर्ने लक्ष्य राखेको छ ।

हाल संस्था सञ्चालनको लागि काठमाण्डौंस्थित कार्यालयमा प्रबन्ध निर्देशक–१, कर्जा प्रमुख–१, लेखापाल–१, सहायक लेखापाल–१, जनसम्पर्क प्रतिनिधि–१, कार्यालय सहयोगी–१ गरि ६ जना कर्मचारीद्वरा कार्य सञ्चालन हुँदै आएको छ ।

काठमाडौं महानगरपालिकाभरि कार्यक्षेत्र विस्तार गरिएको र काठमाडौं जिल्लाभरिको लागि कार्यक्षेत्र विस्तार गर्दै क्रमिक रूपमा अन्य जिल्लाहरूमा पनि विस्तार गर्दै जाने योजना रहेको संस्थाका अध्यक्ष गंगाराम राई र प्रबन्ध निर्देशक प्रकाश राईले जानकारी गराए ।