अखबार नेपाल ट्रेन्डिङ

एजेन्सीः विश्व नम्बर एक एश्लेघ बार्टीले रुसकी भेरा जेभोनारेभालाई २–० को सोझो सेटमा पराजित गरेकी छिन् ।

यो जितसँगै यूएस ओपन टेनिसको दोस्रो चरणमा स्थान बनाएकी छिन् ।

अष्ट्रेलियाकी बार्टीले पहिलो सेट सहजै जिते पनि दोस्रो सेटमा संघर्ष गर्नु परेको थियो ।

विम्बल्डन ओपन विजेता बार्टीले ६–१, ७–६९९र७० को सेटमा विजय हासिल गरेकी हुन् ।

‘‘भेरा अनुभवी खेलाडी हुन्,’’विश्व नम्बर एक बार्टीले भनि, पहिलो सेटमा मेरो सर्भिस एकदम राम्रो भएको थियो ।

दोस्रो सेटमा संघर्ष गर्नुपरे पनि सोझो सेटमा जित निकाल्न सफल हुँदा खुसी छु ।’’

२५ वर्षिया बार्टीले यो सिजन विम्बल्डनसहित पाँच प्रतियोगिताको उपाधि जितेकी छिन् ।

उनी यूएस ओपनको उपाधि जित्दै सिजनको सुखद अन्त्य गर्न चाहन्छिन् ।

बार्टीले अब दोस्रो चरणमा क्लारा टाउसनविरुद्ध खेल्नेछिन् ।

डेनमार्ककी १८ वर्षिया टाउसनले फ्रान्सकी क्लारा बुरेललाई ७–५, ६–० को सेटमा हराउँदै दोस्रो चरणमा स्थान बनाएकी हुन् ।

सातौं वरीयाताप्राप्त पोल्यान्डकी इगा स्विटेकले अमेरिकाकी जेमी लोइबलाई ६–३, ६–४ को सोझो सेटमा हराउँदै दोस्रो चरणमा स्थान बनाइन् ।

२० वर्षिया स्विटेकले अब फ्रान्सकी फिओना फेर्रोसँग प्रतिस्पर्धा गर्नेछिन् ।

२४ वर्षिया फेर्रोले जापानकी नाओ हिबिनोलाई ६–१, ६–४ को सेटमा हराउँदै दोस्रो चरणमा स्थान बनाएकी हुन् ।

दशौं वरीयाताप्राप्त चेक गणतन्त्रकी पेत्रा केभितोभाले दोस्रो चरणमा आफ्नै देशी क्रिष्टियना प्लिसकोभाविरुद्ध प्रतिस्पर्धा गर्ने भएकी छिन् ।

केभितोभाले स्लोभेनियाकी पोलोना हेर्कोगलाई ६–१, ६–२ को सेटमा हराएकी हुन् ।

प्लिसकोभाले मोन्टेनेग्रोकी डन्का कोभिनिकलाई ६–४, ६–३ को सेटमा हराएकी हुन् ।

चाडो गरी भएको खेलमा चौथो वरियाताकी क्यारोलिना प्लिसकोभाले क्याथरिन म्याकनेलीलाई ६–३, ६–४ को सेटमा हराउँदै दोस्रो चरणमा स्थान पक्का गरेकी छिन् ।

यो पनिः