अखबार नेपाल ट्रेन्डिङ

एजेन्सीः लियोनल मेस्सीको डेब्यु खेलमा पेरिस सेन्ट जर्मेन (पिएसजी)ले फ्रान्सेली लिग वानमा जित निकालेको छ ।

आईतबार राति भएको खेलमा पीएसजीले रेइम्सलाई २–० गोल अन्तरले पराजित गरेको हो ।

यसै सिजन बार्सीलोना छोडेर पिएसजी आएका मेस्सीले हिजो राती रेइम्स विरुद्धको खेलमा डेब्यु गरेका हुन् ।

मेस्सीले ३० नम्बरको जर्सी लगाएका थिए ।

उनी ६६औं मिनेटमा ब्राजिलियन नेयमारको स्थानमा मैदानमा प्रवेश गरेका थिए ।

लियोनल मेस्सीले मैदानमा प्रवेश गर्दा स्टेडियममा भएका सबै दर्शकले उठेर उनलाई सम्मान गरेका थिए ।

लियोनल मेस्सीको र एम्बाप्पे बिच निकै राम्रो तालमेल मिलेकोे थियो ।

केही राम्रो मौका सिर्जना भए पनि गोल भने हुन सकेन् ।

खेलको १६ औं मिनेटमा एन्जल डी मारियाको पासलाई सदुपयोग गर्दै एम्बाप्पेले गोल गरेका थिए ।

लिग वानको चौथो खेलमा पिएसजीलाई पहिलो अग्रता दिलाएका थिए ।

पिएसजीले पहिलो हाफमा १ गोलको अग्रता लिएको थियो ।

एक गोलले पछि परेको रेइम्सलाई खेलको ५१औं मिनेटमा बराबरी गोल गर्ने अवसर पाएको थियो ।

रेइम्सका मर्सहलले पाएको पेन्लटीमा गोल गर्न चुक्दा खेलमा पिएसजीको अग्रता एथावत रहेको थियो ।

६३ औं मिनेटमा एम्बाप्पले व्यक्तीगत दोस्रो गोल गर्दै पिएसजीको अग्रतालाई दोब्ब बनाए ।

हाकिमीको पासमा एम्बाप्पेले गोल गरेको थिए ।

पिएसजीका लागि एम्बाप्पेको यो अन्तिम खेल हुने अनुमान गरिएको छ ।

यसै सिजनमा एम्बाप्पे स्पेनिस क्लब रियल म्याड्रिड जाने समचार आएको छ ।

शतप्रतिसत जित सहित पिएसजीले ४ खेलबाट १२ अंक जोड्दै तालिकाको शीर्ष स्थानमा रहेको छ ।

यो पनिः