अखबार नेपाल ट्रेन्डिङ

एजेन्सीः टोकियो ओलम्पिक २०२० ग्रीष्मकालीन खेलकुदमा नेपाली एथलेटिक्स सरस्वती चौधरी प्रारम्भिक चरणबाटै बाहिरिएसँगै नेपालको ओलम्पिक यात्रा सकिएको छ ।

आज बिहान सम्पन्न १०० मिटर दौडको प्रारम्भिक चरणको हिटमा नौ जना सहभागी खेलाडी मध्य सरस्वती पुछारबाट दोस्रो भएकी रहिन् ।

सरस्वतीले १०० मि.को दुरी १२.९१ सेकेण्डमा पुरा गरिन ।

आफ्नो राष्ट्रिय कीर्तिमान समेत सुधार गर्न सकिनन् ।

सरस्वती चौधरी भन्दा पुछारमा रहेकी सऊदी अरेबियाकी खेलाडीले उक्त दूरी तय गर्न १३‍.३४ सेकेण्ड लगाएकी थिइन ।

सन् २०१९ मा काठमाडौंमा सम्पन्न १३ औं साग खेलकूदमा सरस्वतीले एक सय मिटरको दूरी १२.५५ सेकेण्डमा पूरा गरेकी थिईन ।

दोहा, कतारमा सन् २०१९ मा सम्पन्न विश्व एथ्लेटिक्स च्याम्पियनसिपमा सरस्वतीले एक सय मिटरको दौड १२.७२ सेकेण्डमा पूरा गरेकी थिईन ।

युनिभर्सल कोटामा टोकियो ओलम्पिकमा सहभागी सरस्वती प्रारम्भिक चरणका तीन हिटमध्ये दोस्रो हिटमा रहेकी थिइन ।

हरेक हिटका शीर्ष तीन र एक उत्कृष्ट समय निकाल्ने खेलाडी प्रथम राउन्डका लागि छनोट भएका छन् ।

यो पनि पढ्नु होस्ः

युभेन्टसले जोन ग्याम्पर ट्रफी उतार्ने अधिकांश खेलाडी आइसोलेसनमा