मलेसियाबाट २४ शव र तीन वटा अस्तु नेपाल ल्याइयो
नेपाल ल्याइएका ती शव आजै आफन्तलाई जिम्मा लगाइयो
वि.सं.२०७८ साउन ९ शनिवार १३:५१
काठमाडौं: नेपाल वायु सेवा निगम (नेपाल एयरलाइन्स)को जहाजले मलेशियाबाट २४ वटा नेपालीको शव नेपाल ल्याएको छ ।
निगमको वाइडबडी ए-३३० जहाजले मलेशियाको राजधानी क्वालालम्पुरबाट एकैपटक २४ वटा शव र तीन वटा अस्तु नेपाल ल्याएको हो ।
वैदेशिक रोजगारीको सिलसिलामा मलेशियामा विभिन्न समयमा मृत्यु भएका नेपालीको शव वाइडबडी जहाजमार्फत नेपाल ल्याइएको निगमको उडान सञ्चालन विभागले जानकारी दिएको छ ।
वैदेशिक रोजगार प्रवर्द्धन बोर्डको समन्वयमा नेपाल ल्याइएका ती शव आजै आफन्तलाई जिम्मा लगाइएको छ ।
वि.सं.२०७८ साउन ९ शनिवार १३:५१