अखबार नेपाल ट्रेन्डिङ

काठमाडौं: सन् २०३२ को ओलम्पिक तथा प्यारालेम्पिक अस्ट्रेलियाको ब्रिसबेनमा हुने भएको छ ।

अन्तर्राष्ट्रिय ओलम्पिक कमिटी (आईओसी) को बुधबार टोक्योमा बसेको बैठकले ओलम्पिक ब्रिसबेनमा गर्ने निर्णय गरेको हो ।

ब्रिसबेनमा ओलम्पिक गर्नका लागि २३ जुलाईदेखि ८ अगष्ट र पाराओलम्पिक गर्नका लागि २४ अगष्टदेखि ५ सेप्टेम्बरसम्मको मिति प्रस्ताव गरिएको छ ।

ओलम्पिक ३७ सहरमा गर्ने प्रस्ताव गरिएको छ ।

ब्रिसबेनले पहिलो पटक प्रतियोगिता गर्न लागेको हो । यसअघि सन् १९५६ मा मेलवर्न र २००० मा सिड्नीमा प्रतियोगिता गरिसकेको छ ।

टोक्यो ओलम्पिकपछि सन् २०२४ को ओलम्पिक पेरिसमा र २०२८ मा अमेरिकामा हुने तय भइसकेको छ ।