अखबार नेपाल ट्रेन्डिङ

काठमाडौं: नेपाली राष्ट्रिय क्रिकेट टिमका लेग स्पिनर सन्दीप लामिछानेले द हन्ड्रेड क्रिकेट प्रतियोगिता खेल्न नपाउने भएका छन् ।

भिसाको कारण इङ्गल्यण्डमा हुने प्रतियोगिता उनले खेल्न नपाउने भएका हुन् । असार २४ गते प्रतियोगिता खेल्न सन्दिप इङ्गल्याण्ड पुगका थिए ।

उनी प्रतियोगितामा ओभल इन्भिन्सिबलमा आबद्द थिए । सन्दीपका म्यानेजर रमण शिवाकोटीले सन्दीपले भिसाका कारण प्रतियोगिता गुमाउने बताए ।

प्रतियोगिता खेल्न नपाउने भएपछि उनी अब नेपाल फर्कने भएका छन् । सन्दीपले प्रतियोगिता खेल्न नपाएकोमा सामाजिक सञ्जाल फेसबुक मार्फत दुख ब्यक्त गरेका छन् ।

सन्दीपले टिएर ५ भिसा मार्फत इङ्गल्याण्ड यात्रा गरेका थिए । तर उक्त भिसा पाउने खेलाडीले  प्रतियोगिताको लागि अनुमति नपाएपछि सन्दिप नेपाल फर्कन लागेका हुन् ।

द हण्ड्रेडमा सन्दीप ओभल इन्भिन्सिबलमा आवद्द थिए । अब सन्दीपको स्थानमा दक्षिण अफ्रिकी बलर ताब्रेज शाम्सीले इन्भिन्सिबलबाट खेल्ने बताईएको छ  ।

भिसाकै कारण सन्दीपले यस अघि भाइटालिटी टी-ट्वान्टी ब्लास्ट क्रिकेट पनि गुमाएका थिए । सन्दीपले बिग बास क्रिकेट पछि कुनैपनि अन्तरराष्ट्रिय प्रतियोगिता खेलेका छैनन् ।