अखबार नेपाल ट्रेन्डिङ

काठमाडौः नेपाल ओलम्पिक समितिको प्रेस विज्ञप्ति पार्कीकाे स्थानमा सरस्वतीले ओलम्पिक खेल्ने भएकी छिन् ।

यस अघि १३औं सागमा स्वर्ण पदक जितेका गोपीचन्द्र पार्कीले म्याराथन विधामा टोकियो ओलम्पिक खेल्ने पक्का भएको थियो।

अब नेपाल ओलम्पिक समितिको अनुसार टोकियो ओलम्पिक म्याराथन नभएर महिला १०० मिटर दौडमा सरस्वती जापान प्रस्थान गर्ने छिन् ।

टाेकियो ओलम्पिक २०२० मा एथलेटिक्स तर्फ सरस्वती चौधरीले नेपालको प्रतिनिधित्व गर्ने भएकी छिन्।

टोकियो ओलम्पिक म्याराथन विधामा नेपालको प्रतिनिधित्व गोपीचन्द्रले गर्ने पक्का भएको थियाे ।

विश्व एथलेटिक्स प्राविधिक कमिटीले नेपाललाई म्याराथनमा नभई महिला १०० मिटरमा कोटा छुट्याएको कारणले अन्तिम समयमा खेलाडी परिवर्तन गर्नु परेको जानकारी नेपाल ओलम्पिक समितिले बिहीवार एक विज्ञप्ति निकाल्दै सरस्वतीले नियमित कोटाबाट ओलम्पिक खेल्ने जानकारी दिएको हो ।

जुलाई २३ देखि अगस्ट ८ सम्म जापानको राजधानी टोकियोमा आयोजना हुने ओलम्पिकमा नेपालका पाँच खेलका खेलाडी सहभागी हुनेछन् ।

सरस्वती चौधरी सहित पौडीमा गौरीका सिंह र एलेक्स शाह, शुटिङमा कल्पना परियार र जुडोमा सोनिया भट्टले टोकियो ओलम्पिक खेल्नेछन्।

यो पनि पढ्नु होस्