अखबार नेपाल ट्रेन्डिङ

एजेन्सीः युरोकप फुटबल प्रतियोगितामा शनिबार राति भएको खेलमा बेल्जियम विजयी भएको छ ।

समूह बी मा रहेको बेल्जियमले रुसलाई ३–०गोलले पराजित गर्दै  युरोकप फुटबल प्रतियोगितामा शानदार सुरुवात गरेको हो ।

बेल्जियमको जितमा इन्टर मिलानका रामेलु लुकाकुले दुई तथा थोमस मनुयरले एक गोल गरे ।

लुकाकुले १० औँ मिनेटमा गोल गर्दै बेल्जियमलाई सुरुवाति अग्रता दिलाएका हुन् ।

लुकाकुले उक्त गोल डेनमार्कका खेलाडी क्रिष्टियन एरिक्सनप्रति समर्पित गरे ।

फिनल्याण्डसँगको खेलमा मैदानमै बेहोस भएर लडेका एरिक्सनको हाल उपचार जारी छ ।

उनको स्वास्थ्य अवस्था स्थिर तथा सुधारोन्मुख रहेको जनाइएको छ ।

इन्टर मिलानमा लुकाकु र एरिक्सन साथी खेलाडी हुन् ।

एरिक्सनको घटनाले आफू स्तब्ध भएको र शीघ्र स्वास्थ्य लाभका लागि कामना गरेको लुकाकुले बताएका छन् ।

३४ औँ मिनेटमा मनुयरले गोल गरि बेल्जियमको अग्रता दोब्बर पारे ।

लुकाकुले ८८ औँ मिनेटमा व्यक्तिगत दोस्रो गोल गरेपछि टिम ३–० ले विजयी भएको हो ।

यो पनि पढ्नु होस्

https://www.akhabarnepal.com