अखबार नेपाल ट्रेन्डिङ

काठमाडौं:  नैनकला थापा प्रधानमन्त्री केपी शर्मा ओलीले विस्तार गर्न लागेको मन्त्रिमण्डलमा सञ्चार तथा सूचना प्रविधि मन्त्री नियुक्त भएकी छन् । थापा पूर्वगृहमन्त्री रामबहादुर थापा ‘बादल’ की श्रीमती हुन् ।

नैनकला थापा २०६३ सालमा माओवादी शान्ति प्रक्रियामा आएपछिका १५ वर्षसम्म सांसद भएकी थिइनन् । पछिल्लो समय सक्रिय राजनीतिमा नरहेकी थापा सञ्चारमन्त्री बनेकी हुन् ।

माओवादी नेताका सबै जीवनसाथी भूमिगत हुने नीतिअनुसार थापा २०५२ सालमा भूमिगत भएको माओवादी केन्द्रका एक नेताले बताए । केही समय शिक्षण पेशामा रहेकी थापा २०६४ पछि महिला आयोगको प्रमुख बनेकी थिइन् ।

उनी पार्टीको कार्यकारिणी कमिटीमा भने एकपटक पुगिनन्। माओवादी युद्धमा हुँदा उनी महिला संघकी अध्यक्ष थिइन् । उनी केन्द्रीय सल्लाहकार समितिको सदस्य भएकी थिइन्।

यो पनि पढ्नुहोस् :

बेलायतका लागि नेपाली राजदूत लोकदर्शन रेग्मीले ओहोदाको प्रमाणपत्र पेश