नेयमार प्रतियोगितामा सहभागी नहोऊ, तिम्रा साथीभाइ आफन्त छिमेकी र ब्राजिलियन जनता मरिरहेका छन्
वि.सं.२०७८ जेठ २३ आइतवार ०९:४९
2.3K
shares
रियो दी जेनेरियोः नेयमार प्रतियोगितामा सहभागी नहोऊ, दक्षिण अमेरिकी कोपा अमेरिका फुटबल सुरु हुन नौ दिन मात्र बाँकी छ ।
ब्राजिलले अप्रत्याशित रूपमा प्रतियोगिताको आयोजना गर्ने जिम्मेवारी लिएपछि त्यसको तीव्र आलोचना भइरहेको छ ।
स्थानीयसँगै ब्राजिलका खेलाडी पनि कोपा अमेरिका फुटबलको विपक्षमा देखिएका छन ।
विश्वव्यापी महामारी कोरोनाको कारण ब्राजिलमा साढे चार लाखभन्दा बढी मानिसको मृत्यु भएको छ ।
कोरोना नियन्त्रण गर्न नसकेको भन्दै राष्ट्रपति जायर बोल्सोनारोमाथि तीव्र असन्तुष्टि पनि बढेको छ ।
कालहेइरोसले कोपा अमेरिका फुटबललाई मृत्युको महोत्सवको संज्ञा दिएका छन् ।
ब्राजिलका स्ट्राइकर नेयमारलाई प्रतियोगितामा भाग नलिन सुझाव दिएका छन् ।
‘नेयमार, प्रतियोगितामा सहभागी नहोऊ, जब तिम्रा साथीभाइ, आफन्त, छिमेकी र ब्राजिलियन जनता मरिरहेका छन् ।
सरकारले कोभिड—१९ विरुद्धको भ्याक्सिन उपलब्ध गराउन सकिरहेको छैन ।
यस्तो अवस्थामा कसरी मैदान उत्रन सक्छौ ?
कालहेइरोसले भनेका छन्, ‘यो हामीले सहभागिता जनाउने समय नै होइन ।
हामीले अहिले फुटबल प्रतियोगिताको आयोजनामा प्रतिस्पर्धा गर्ने होइन ।
यो समय विश्वमा भ्याक्सिनमा प्रतिस्पर्धा गर्ने समय हो ।
यो समय मैदानमा गोल गर्ने होइन ।
यो त जनताको ज्यान जोगाउने समय हो।’
ब्राजिलमा कोभिडबाट ज्यान गुमाउनेको संख्या विश्वमै दोस्रोमा पर्छ ।
त्यसैले सोच, हामी कुन प्रतिस्पर्धामा छौं ।
मलाई लाग्छ ब्राजिलको टोली पनि प्रतियोगिताको आयोजक बन्दा खुशी छैन ।
आईसीयू र चिहान भरिसकेको छ ।
प्रतियोगितामा ब्राजिलले गोल गर्दासमेत हामी खुसीयाली मनाउने स्थितिमा छैनौं ।’
ब्राजिलका राष्ट्रिय टोलीका कप्तान क्यासेमिरोले पनि कोपा अमेरिका फुटबल नखेल्ने संकेत गरेका छन् ।
‘यो सबै खेलाडीको निर्णय हो ।
प्रशिक्षक टिटेले पनि टोलीका केही खेलाडीले कोपा अमेरिका ब्राजिलमा आयोजना भए नखेल्ने सम्भावना रहेको बताएका छन्।
सन् २०२० मै कोपा अमेरिका फुटबलको आयोजना भइसक्नु पर्ने कोभिड–१९ कारण प्रतियोगिता एक वर्षपछि सरेको थियो ।
यस संस्करण कोलम्बिया र अर्जेन्टिनाले संयुक्त रूपमा गर्नुपर्ने थियो ।
कोलम्बिया सरकारविरुद्धको प्रदर्शनका कारण देखाउँदै सहआयोजकबाट पछि हटेको थियो ।
अर्जेन्टिनाले कोरोना संक्रमण दर नियन्त्रण बाहिर गएको भन्दै प्रतियोगिता आयोजनाबाट हात झिकेको थियो ।
तीव्र विवादकै बीच पनि प्रतियोगिता जुन १४ बाट सुरु हुँदैछ ।
उद्घाटन खेलमा ब्राजिल र भेनेजुएलाले प्रतिस्पर्धा गर्दैछन्।
यो पनि पढ्नु होस्
वि.सं.२०७८ जेठ २३ आइतवार ०९:४९
वि.सं.२०८३ कात्तिक १० मंगलवार १०:१८
काठमाडौं: नेपाल प्रिमियर लिग (एनपीएल)मा आज दुई खेल हुँदैछन् ।...
वि.सं.२०८३ कात्तिक १० मंगलवार १०:०१
काठमाडौं: बायर्न म्युनिखका स्टार स्ट्राइकर ह्यारी केन र बार्सिलोनाकी कप्तान...
वि.सं.२०८३ कात्तिक ९ सोमवार ११:०५
काठमाडौं: नेपाल प्रिमियर लिग (एनपीएल) को तेस्रो संस्करण आजदेखि टियु...
वि.सं.२०८३ कात्तिक ७ शनिवार १३:४५
विश्वविख्यात महान फुटबल खेलाडी लियोनेल मेस्सीले स्पेनको प्रतिष्ठित 'प्रिन्सेस अफ...
वि.सं.२०८३ असोज २६ सोमवार १२:२३
काठमाडौं: दोस्रो संस्करणको सुनुवार राष्ट्रसेवक कप फुटसल प्रतियोगिता २०८३ को...
वि.सं.२०८३ असोज १९ सोमवार १७:५२
काठमाडौं: जोरपाटी फुटबल क्लवद्वारा आयोजित गोकर्णेश्वर राष्ट्रिय सेभेन 'ए' साइड...
