अन्तर्राष्ट्रिय मैत्रीपूर्ण खेलमा नेपाल फराकिलो गोल अन्तरले पराजित
वि.सं.२०७८ जेठ १६ आइतवार ०८:४१
1.7K
shares
काठमाडौंः इराकविरुद्ध अन्तर्राष्ट्रिय मैत्रीपूर्ण खेलमा नेपाल फराकिलो गोल अन्तरले पराजित बनेको छ ।
गोलरक्षक र डिफेन्सबीचको तालमेलको अभाव देखिएको खेलमा नेपाल ६–२ ले पराजित बनेको हो ।
नेपालले व्यहोरेको अधिकांश गोलमा डिफेन्स र गोलरक्षक किरण चेम्जोङ बीचको समन्वय अभाव देखिन्थ्यो ।
३८औं मिनेटसम्म अग्रता बनाएको नेपाली टिम त्यस पछि घरेलु टोली सामु निरिह देखिएको थियो ।
८ मिनेटको अन्र्तरमा तीन गोल व्याहोरेको नेपाली टिमको लय खस्कदै गएको थियो ।
सुरुवाती अग्रता इराकले कप्तान अला अब्दुल जहर खासिनको फ्रिकिकमा गोल लिएको थियो ।
२५ यार्ड टाढाबाट गरेको प्रहार गोलरक्षक किरणको टाउको माथिबाट गोल भएको थियो ।
त्यसको एक मिनेट नबित्दै अहमद इब्राहिम खलाफको आत्मघाती गोलमा नेपाल बराबरी गर्न सफल रहयो ।
अन्जन विष्टको प्रहार क्लियर गर्ने धुनमा खलाफको प्रहार आफ्नो पोस्टमा छिरेको थियो ।
खेलको ३० औ मिनेटमा मनिष डाँगीले नेपाललाई अग्रता दिलाएका थिए ।
सन्तोष तामाङको चलाखी पूर्ण पासलाई अफसाइड ट्रयाप बिट गर्दै मनिषले डेब्यु गोल गरेका हुन् ।
३९औ मिनेटमा इराकले खेल बराबरीमा ल्यायो ।
दुर्गाम स्माइलको कर्नर प्रहारलाई मोहम्मद अव्दुल्जाराले पेनाल्टी एरियाबाट हेडर गोल गरेका थिए ।
त्यसको एक मिनेट नबित्दै नेपाली डिफेन्डर रोहित चन्दको गल्तीको फाइदा उठाउँदै आयमेन हुसेनले अग्रता दिलाए ।
रोहितले दिएको ब्याकपासमा किरण निकै पछाडी हुँदा हुसेनले सहज अवसर पाएका थिए।
इन्ज्युरी समयमा हुसेनले व्यक्तिगत दोस्रो गोल गर्दै इराकको अग्रता दोब्बर पारे ।
पहिलो हाफमा ४–२ ले पछि परेको नेपाल दोश्रो हाफमा नेपाली टिम अझ निरीह देखिन्थ्यो ।
अधिकाँश समय बल नेपालको डिवक्स आसपासको क्षेत्रमा रहयो ।
यद्यपी इराकको प्रहारलाई कप्तान समेत रहेका गोलरक्षक किरणले निस्तेज पारिरहे ।
६८ औं मिनेटमा सुमन अर्यालको ब्याक पासको फाइदा उठाउँदै मोहम्मद अलि अलसम्मारीले वान भर्सेस वान गोल गरे ।
खेलको ७४ औं मिनेटमा सज्जाद जसिमले गोल गर्दै इराकलाई ६–२ को अग्रता दिलाए ।
उनले पेनाल्टी क्षेत्र भित्रबाट गरेको शक्तिशाली प्रहार गोलमा परिणत भएको थियो ।
इराकसँग अन्तर्राष्ट्रिय मैत्रीपूर्ण खेलेपछि जुन पहिलो साताबाट सुरु हुने विश्वकप छनोट बाँकी खेलका लागि नेपाल कुवेत प्रस्थान गर्नेछ ।
नेपाल अहिले अंक तालिकामा ३ अंक जोड्दै चौथो स्थानमा छ ।
नेपालको ५ खेलमा १ जित र ४ हारको नतिजा रहेको छ ।
विश्वकपमा छनोट हुने नेपालको सम्भावना भने गणितीय रुपमा मात्र बाँकी छ ।
यो पनि पढ्नु होस्
वि.सं.२०७८ जेठ १६ आइतवार ०८:४१
वि.सं.२०८३ कात्तिक १० मंगलवार १०:१८
काठमाडौं: नेपाल प्रिमियर लिग (एनपीएल)मा आज दुई खेल हुँदैछन् ।...
वि.सं.२०८३ कात्तिक १० मंगलवार १०:०१
काठमाडौं: बायर्न म्युनिखका स्टार स्ट्राइकर ह्यारी केन र बार्सिलोनाकी कप्तान...
वि.सं.२०८३ कात्तिक ९ सोमवार ११:०५
काठमाडौं: नेपाल प्रिमियर लिग (एनपीएल) को तेस्रो संस्करण आजदेखि टियु...
वि.सं.२०८३ कात्तिक ७ शनिवार १३:४५
विश्वविख्यात महान फुटबल खेलाडी लियोनेल मेस्सीले स्पेनको प्रतिष्ठित 'प्रिन्सेस अफ...
वि.सं.२०८३ असोज २६ सोमवार १२:२३
काठमाडौं: दोस्रो संस्करणको सुनुवार राष्ट्रसेवक कप फुटसल प्रतियोगिता २०८३ को...
वि.सं.२०८३ असोज १९ सोमवार १७:५२
काठमाडौं: जोरपाटी फुटबल क्लवद्वारा आयोजित गोकर्णेश्वर राष्ट्रिय सेभेन 'ए' साइड...
