अखबार नेपाल ट्रेन्डिङ

काठमाडौं:  सानिमा बैंकले ‘नव वर्ष २०७८, नयाँ रहर, नयाँ अफर योजना’ सार्वजनिक गरेको छ । बैंकले नयाँ वर्ष २०७८ का अवसरमा ग्राहकका लागि उक्त योजना सार्वजनिक गरेको हो ।

सानिमा बैंकले अनलाइन सपिङ पोर्टल दराज केयमुसँगको सहकार्यमा बैंकको डेबिट तथा क्रेडिट कार्ड प्रयोगकर्तालाई दराजबाट सामान खरिद गर्दा विशेष छुट दिने भएको हो ।

यो योजनाअन्तर्गत सानिमा बैंकका ग्राहकले डेबिट कार्ड प्रयोग गरी सामान खरिद गर्दा १५ प्रतिशत वा अधिकतम १ हजार रुपैयाँसम्मको छुट प्राप्त गर्न सक्नेछन् ।

बैंकका ग्राहकले क्रेडिट कार्ड प्रयोग गरी सामान खरिद गर्दा २० प्रतिशत वा अधिकतम १ हजार ५०० रुपैयाँसम्मको छुट प्राप्त गर्न सक्नेछन् । यो योजना यही चैत २९ देखि आउँदो वैशाख ७ गतेसम्म लागू हुने बैंकले जनाएको छ।

उक्त सम्झौतापत्रमा सानिमा बैंकका तर्फबाट डिजिटल बैंकिङ विभागका निरजराज श्रेष्ठ र दराज केयमु प्रालिका तर्फबाट अरुण फुँयालले हस्ताक्षर गर्नुभएको छ । सानिमा बैंकको डेबिट तथा क्रेडिट कार्डका लागि बैंकको वेबसाइटमा गई आवेदन दिन सकिन्छ।

सानिमा बैंकको देशभर ८६ शाखा कार्यालय, १७ विस्तारित काउन्टर र ९६ एटिएम सञ्चालनमा रहेका छन्। सानिमा बैंकको डेबिट तथा क्रेडिट कार्ड प्रयोग गर्दा विभिन्न अस्पताल, सपिङ आउटलेट होटेल, रेस्टुरेन्ट आदिमा विशेष छुटको व्यवस्था रहेको छ।

यो पनि पढ्नुहोस् :

राष्ट्रिय वाणिज्य बैंक लिमिटेडले ट्राफिक लाईट हस्तान्तरण