त्रिदेशीय कपपछि विराजले अन्तर्राष्ट्रिय फुटबलबाट सन्यास लिने
वि.सं.२०७७ चैत १० मंगलवार १६:३४
1.8K
shares
काठमाडौं : राष्ट्रिय टिमका पूर्वकप्तान विराज महर्जनले त्रिदेशीय थ्री नेशन्स कप फुटबल पछि अन्तर्राष्ट्रिय फुटबलबाट सन्यास लिने भएका छन् ।
पछिल्लो समय राष्ट्रिय टिममा पर्न असफल भइरहेका विराजले घरेलु मैदान र दर्शकको अगाडि खेल्दै सन्यास घोषणा गर्न लागेका हुन् ।
उपाधि जितेको हिसाबले नेपालको सफल कप्तानको रुपमा विराजलाई लिइन्छ ।
उनकै कप्तानीमा नेपालले बंगबन्धु गोल्डकप र १२औं साग फुटबल जितेको थियो ।
एएफसी सोलिडारिटी कपमा अनिल गुरुङ कप्तान भए पनि अधिकांश समय विराजले नै आर्मब्याण्ड लगाएर नेतृत्व गरेका थिए ।
सोलिडारिटी कपमा पनि नेपाल च्याम्पियन बनेको थियो ।
दशरथ रंगशालमा नेपालको सिनियर टिम करिब ६ वर्षपछि खेल्दैछ ।
नेपाली टिमको कप्तानी गोलकिपर किरण चेम्जोङले गर्ने पक्का छ ।
अहिलेसम्म नेपालको अन्तिम टोली घोषणा भएको छैन ।
विश्वकप छनोटको तयारीका लागि प्रशिक्षणमा रहेका ३२ खेलाडीबाटै टिम छनोट गरिनेछ ।
स्वीडिस प्रशिक्षक योहा कालिनको आगमन पछि विराज राष्ट्रिय टिममा पर्न संघर्षरत थिए ।
फिटनेसको कारण देखाउँदै उनलाई टिम बाहिर राखिएको थियो ।
अहिले घरेलु मैदानमै त्रिदेशीय थ्री नेशन्स कप फुटबल हुँदैछ र विराजले पनि यसलाई उपयुक्त अवसरको रुपमा लिएका छन् ।
विराजले यस विषयमा अखिल नेपाल फुटबल संघ एन्फासंग पनि कुरा गरिसकेका छन् ।
नेपालको अन्तिम टोली घोषणा नभएकोले विराजले खेल्ने नखेल्ने निर्णय भएको छैन ।
अनलाइन खबरलाई प्राप्त जानकारी अनुसार विराज थ्री नेशन्स कप खेल्ने टिममा हुनेछन् ।
विराजले दशरथ रंगशालमा नेपालको राष्ट्रिय टिमको जर्सी लगाएर घरेलु दर्शक माझ बिदा लिनेछन् ।
‘नेपालमै थ्री नेशन्स कप हुँदैछ ।
यही खेलपछि मैले सन्यास लिने निर्णय लिएको छु किनकि यसपछि घरेलु मैदानमा कहिले खेल हुने थाहा छैन,’ विराजले अनलाइन खबरसँग भने ।
त्यसैले विराजले यसबारे एन्फा पदाधिकारीलाई जानकारी गराएर निर्णय लिएको बताए ।
यो पनि पढ्नु होस्
वि.सं.२०७७ चैत १० मंगलवार १६:३४
वि.सं.२०८३ भदौ २५ बिहीवार ०८:५४
काठमाडौं: म्युचुएल एकेडेमिक एक्टिभिटिज फोरम (माफ)को आयोजनामा आठौं माफ अन्तरविद्यालय...
वि.सं.२०८३ भदौ २३ मंगलवार ०९:४६
काठमाडौं: एक्सट्रिम नेपाल भलिबल लिग (एनभिएल) प्रतियोगिता अन्तर्गत मंगलबारको पहिलो...
वि.सं.२०८३ भदौ १८ बिहीवार ११:००
ताप्लेजुङ । चौथो ताप्लेजुङ गोल्डकप फुटबल प्रतियोगिताको उपाधिका लागि पाँचथरको...
वि.सं.२०८३ भदौ १८ बिहीवार १०:३१
काठमाडौं : पुरुष भलिबलको फ्रेन्चाइज लिग नेपाल भलिबल लिग (एनभिएल)...
वि.सं.२०८३ भदौ १२ शुक्रवार १७:५७
काठमाडौं: नेपाली फाइटर रवीन्द्र ढाँट रोड टु युएफसी सिजन–५ को...
वि.सं.२०८३ साउन २० बुधवार १८:३१
काठमाडौं: हङकङमा क्रियाशील ब्रदर्स एफसीले नेपाल भ्रमणका क्रममा कलाकार, पत्रकार...
