स्पेनिस ला लिगा फुटबलमा बार्सिलोनाको सहज जित
वि.सं.२०७७ फागुन २३ आइतवार ०८:१२
2.1K
shares
एजेन्सी: स्पेनिस ला लिगा फुटबलमा उपाधि दाबेदार बार्सिलोनाले ओसासुनामाथि २-० गोल अन्तरको सहज जित निकालेको छ ।
गएराती भएको खेलमा ओसासुनाको मैदानमा बार्सिलोनालाई जित दिलाउन जोर्डी अल्बा र मोरिबाले एक-एक गोल गरे ।
खेलको ३० औं मिनेटमा अल्बाले गोल गर्दै बार्सिलोनालाई अग्रता दिलाएका थिए ।
त्यसपछि खेलको ८३ औं मिनेटमा मोरिबाले गोल गर्दै बार्सिलोनालाई २-० को जित दिलाए ।
जितसँगै बार्सिलोनाले शीर्ष स्थानको एट्लेटिको मड्रिडसँगको अंक दुरी घटाएको छ ।
बार्सिलोनाले २६ खेलमा ५६ अंक जोडेको छ ।
ओसासुना २८ अंक जोडेर १३ औं स्थानमा रहेको छ ।
वि.सं.२०७७ फागुन २३ आइतवार ०८:१२



















