अखबार नेपाल ट्रेन्डिङ

एजेन्सी: इटालियन सिरी ‘ए’ फुटबलमा साविक विजेता युभेन्ट्सले लाजियोमाथि ३-१ गोल अन्तरको सहज जित निकालेको छ ।

गएराति भएको खेलमा घरेलु मैदानमा लाजियोको एक गोलको अग्रता उल्टाएर युभेन्ट्सले जित निकालेको हो ।

खेलको १४औं मिनेटमा जोआकिन कोर्रेयाले गोल गर्दै लाजियोलाई अग्रता दिलाएका थिए ।

खेलको ३९ औं मिनेटमा एड्रिन राबिओटले गोल गर्दै युभेन्ट्सलाई १-१ गोलको बराबरीमा ल्याएका थिए ।

दोस्रो हाफमा खेलको ५७ औं मिनेटमा मोराटाले गोल गर्दै टोलीलाई २-१ को अग्रता दिलाए ।

त्यसपछि खेलको ६०औं मिनेटमा मोराटाले पेनाल्टीमा गोल गर्दै युभेन्ट्सलाई ३-१ को जित दिलाए ।

जितसँगै युभेन्ट्सले २५ खेलमा ५२ अंक जोडेको छ ।

लाजियो ४३ अंक जोडेर सातौं स्थानमा रहेको छ ।