अखबार नेपाल ट्रेन्डिङ

एजेन्सीः इंग्लिस प्रिमियर लिग फुटबलमा लिग लिडर म्यानचेस्टर सिटीले लिभरपुललाई ४-१ गोल अन्तरले पराजित गरेको छ ।

गएराति भएको खेलमा सिटीलाई जित दिलाउन इल्के गुण्डोगानले दुई गोल गरे । रहिम स्ट्रर्लिङ र फिल फोडेनले एक एक गोल गरे ।

लिभरपुलका मोहमद सलाहले एक गोल फर्काए ।

एनफिल्डमा खेलको ३७औं मिनेटमा सिटीले पेनाल्टीको अवसर प्राप्त गर्यो ।

फाबिन्होले सिटीका स्ट्रर्लिङलाई फउल गरेपछि पाएको पेनाल्टीमा गुण्डोगानले गोल गर्न सकेनन् ।

गुण्डोगानको पेनाल्टी प्रहार बाहिरिदा सिटीले पहिलो हाफमा गोलरहित बराबरी खेलको थियो ।

खेलको ४९ औं मिनेटमा गुण्डोगानले गोल गर्दै सिटीलाई १-० को अग्रता दिलाए ।

खेलको ६३ औं मिनेटमा लिभरपुलले बराबरी गोल फर्कायो ।

रुबेन डियासले पेनाल्टी बक्सभित्र लडाएपछि पाएको पेनाल्टीमा सलाहले सहजै गोल गरे ।

खेलको ७३औं मिनेटमा गुण्डोगानले व्यक्तिगत दोस्रो गोल गर्दै सिटीलाई २-१ को अग्रता दिलाए ।

त्यसपछि खेलको ८३औं मिनेटमा फोडेनले गोल गर्दै सिटीलाई ४-१ को सहज जित दिलाए ।

जितसंगै सिटीले २२ खेलमा ५० अंक जोडेको छ । सिटीले उपाधि होड समेत बलियो बनाएको छ ।

लिभरपुलले भने २३ खेलमा ४० अंक जोडेको छ । चौंथो स्थानको लिभरपुल सिटी भन्दा १० अंकले पछि रहेको छ ।