अखबार नेपाल ट्रेन्डिङ

एजेन्सीः रियल बेटिसलाई ३-२ गोल अन्तरले पराजित स्पेनिस ला लिगा फुटबलमा बार्सिलोनाले जित निकालको छ ।

गएराति भएको खेलमा बार्सिलोनामाथि खेलको ३८औं मिनेटमा बोर्जाले गोल गर्दै बेटिसलाई अग्रता दिलाएका थिए ।

खेलको ५९औं मिनेटमा लियोनल मेस्सीले गोल गर्दै बार्सिलोनालाई १-१ गोलको बराबरीमा फर्काए ।

खेलको ५७ औं मिनेटमा मैदान प्रवेश गरेका मेस्सीले दुई मिनेट पछि नै गोल गरेका हुन् ।

यस्तै खेलको ६८औं मिनेटमा भिक्टर रुइजले आत्मघाती गोल गर्दा बार्सिलोना २-१ ले अघि रह्यो ।

खेलको ७५ औं मिनेटमा भिक्टरले गोल गर्दै बेटिसलाई २-२ गोलको बराबरीमा ल्याए ।

त्यसपछि खेलको ८७औं मिनेटमा त्रिनकाओले गोल गर्दै बार्सिलोनालाई ३-२ को जित दिलाए ।

जितसँगै बार्सिलोना लिगको दोस्रो स्थानमा उक्लिएको छ ।