अखबार नेपाल ट्रेन्डिङ

नेपालको इतिहासमा अहिलेसम्मकै सबैभन्दा ठूलो  IPO  ल्याउने नेपाल इन्फ्रास्टक्चर बैंकले माघ २ गते भोलीदेखि ८ अर्ब रुपैयाँ बराबरको IPO सर्वसाधरणको लागि बिक्री खुल्ला गर्ने भएको छ । यो बैंकले निष्कासन गर्न लागेको कुल सेयरमध्ये ०.२० प्रतिशत (१ लाख ६० हजार) कित्ता सेयर कर्मचारीको लागि छुटाइएको छ भने ५ प्रतिशत (४० लाख) कित्ता सेयर सामूहिक लगानी कोषको लागि सुरक्षित गरिएको छ । अरु बाँकी सबै सर्बसाधरण लगानीकर्ताले (७ करोड ५८ लाख ४० हजार) कित्ता सेयरका लागि प्रति कित्ता रु. १०० को दरले आवेदन दिन सक्नेछन् । यसको IPO मा लगानीकर्ताहरुले माघ ६ गतेसम्म आवेदन दिन पाउने छन् ।

लगानीकर्ताहरुले आवेदन दिदां आस्वा सदस्य प्राप्त बैंकहरु तथा वित्तिय संस्थाहरु र तिनका शाखा कार्यलयहरुबाट आवेदन दिन सक्नेछन् । इक्रा नेपालले यस बैंकलाई आइआर त्रिपल बी रेटिङ प्रदान गरेको छ । यसले यो बैंकको वित्तिय अवस्था माध्यम रहेको जनाउँछ । यस बैंकको बिक्री प्रबन्धकको काम भने एनआइबीएल एस क्यापिटलले गर्नेछ । IPO जारी गरिसकेपछि यस बैंकको कुल आय चुक्ता पुँजि रु २० अर्ब हुनेछ ।